बॉलिवूड सिनेसृष्टीचे शेहंशाह म्हणून प्रसिद्ध असलेले अमिताभ बच्चन हे त्यांच्या चित्रपटांमुळे कायमच चर्चेत असतात. अमिताभ बच्चन आता ८१ वर्षाचे असून आजही त्यांचा उत्साह तरुणांना लाजवेल असा आहे. ८१व्या वर्षीदेखील ते त्याच जोमाने काम करत असल्यामुळे कायमच त्यांच्या फिटनेसची चर्चा होत असते. अशातच आता त्यांच्या तब्येतीबाबत नुकतीच एक मोठी बातमी समोर येत आहे. (Amitabh Bachchan Angioplasty)
दिग्गज अभिनेते अमिताभ बच्चन यांची नुकतीच अँजिओप्लास्टी झाल्याचे वृत्त समोर येत आहे. त्यामुळे आपल्या अभिनयाने चर्चेत राहणारे अभिनेते सध्या त्यांच्या तब्येतीच्या कारणामुळे चर्चेत आले आहेत. त्यांच्या आरोग्याबाबत आलेल्या या बातमीने चाहत्यांमध्ये चिंता व्यक्त केली जात आहे. मिळालेल्या माहितीनुसार, अमिताभ बच्चन यांची आज सकाळी अँजिओप्लास्टी शस्त्रक्रिया करण्यात आली आहे.
मुंबईतील कोकिलाबेन रुग्णालयात त्यांच्यावर ही शस्त्रक्रिया पार पडली. याबाबत अद्याप इतर कोणतीही माहिती समोर आलेली नाही. पण काही मीडिया रिपोर्टनुसार, आज सकाळी ६ वाजता अमिताभ बच्चन यांना कोकिलाबेन रुग्णालयात दाखल करण्यात आलं. यानंतर त्यांच्यावर अँजिओप्लास्टीची शस्त्रक्रिया करण्यात आली आहे.
त्यांच्या तब्येतीबाबत अचानक आलेल्या या वृत्ताने त्यांच्या चाहत्यांसह मनोरंजन सृष्टीतून चिंता व्यक्त केली जात आहे. त्यांचे अनेक लाखों-करोडो चाहते त्यांच्या निरोगी आयुष्यासाठी प्रार्थना करत आहे. दरम्यान, अमिताभ यांनी काही दिवसांपूर्वीच अमिताभ यांनी मी सदैव कृतज्ञ आहे असं ट्वीट केलं होतं. त्यांच्या या ट्वीटची चांगलीच चर्चा झाली होती.