काही दिवसांपूर्वी ‘आर्या’ चित्रपटाच्या सेटवरुन धक्कादायक बातमी समोर आली. चित्रपटाचं शूट सुरु असताना स्टंटमॅन एस एम राजू यांचं निधन झालं. गाडीबरोबर सीन शूट करत असताना हा अपघात घडला. यानंतर दाक्षिणात्या चित्रपटसृष्टीलाही मोठा धक्का बसला. स्टंटमॅनचं काम आणि त्यांच्या मेहनतीबाबत फारसं बोललं जात नाही. पण शूट करत असताना अधिक मेहनतीचं आणि काळजीपूर्वक काम करण्याची जबाबदारी स्टंटमॅनलाच पार पाडावी लागते. अशातच राजू यांच्या निधनानंतर कलाविश्वाला मोठा धक्का सहन करावा लागला. या घटनेमधूनच अक्षय कुमारने आता महत्त्वाचं पाऊल उचललं आहे. स्टंटमॅनच्या सुरक्षिततेची जबाबदारी त्याने घेतली आहे. (Akshay kumar help stunt man)
जवळपास ७०० स्टंटमॅन आणि स्टंटवूमनच्या विमा संरक्षणाची जबाबदारी अक्षयने घेतली आहे. स्टंटमॅनसाठी त्याने विमा योजना सुरु केली असल्याची माहिती समोर आली आहे. ७०० स्टंटमॅनला तरी याचा फायदा घेता येणार आहे. अभिनेत्याच्या या निर्णयाचं सगळ्याच स्थरातून कौतक होत आहे. ओएमजी २, अंतिम, गुंजन सक्सेना, धडक २ यांसारख्या सुपरहिट चित्रपटांचे स्टंट दिग्दर्शक विक्रम सिंह दहिया यांनी याबाबत माहिती दिली.
Stunt driver Mohan raj fatal accident at #Vettuvam shooting spot .
— Prashanth Rangaswamy (@itisprashanth) July 14, 2025
(Raw Unedited Footage) pic.twitter.com/D7hF85NWWY
विक्रम म्हणाले, “अक्षय सरांमुळे जवळपास ६५० ते ७०० स्टंटमॅन आणि एक्शन क्रु सदस्य विमा संरक्षणाच्या योजनेचा लाभ घेऊ शकतात. पाच ते साडेपाच लाखापर्यंत कॅशलेस वैद्यकिय उपचारांचा फायदा यामधून मिळणार आहे. सेट किंवा सेटच्या बाहेरही काही दुखापत झाली तरी या रकमेमधून त्यांना उपचार घेता येणार आहेत”. अक्षयने केलेलं हे काम स्टंटमॅनसाठी सुरक्षिततेच्या दृष्टीने मोलाचं ठरणार आहे.
‘आर्या’चं शूट सुरु असताना सगळं काही सुरळीत सुरु होतं. सीन शूट करण्यामध्ये संपूर्ण युनिट व्यग्र होतं. अशातच कार पलटी झाली. सुरुवातीच्या काही सेकंदामध्ये कोणालाच काही कळालं नाही. मात्र हा अपघात मोठा होता. जागीच राजू यांना त्यांचा जीव गमवावा लागला. राजू यांच्या अचानक जाण्याने त्यांच्या कुटुंबियांवर दुःखाचा डोंगर कोसळला आहे. राजू यांच्या कुटुंबियांची जबाबदारी त्यांचा सहअभिनेता विशाल घेणार आहे.
