आज देशभर सर्वत्र धुळवडीचा सण मोठ्या उत्साहात पार पडत आहे. अनेक ठिकाणी पांरपरीकपणे धुळवड साजरी करण्यात येत आहे. तर, शहरी भागात रंगांची उधळण करत डीजेच्या तालावर आज रंगाचा सण साजरा करण्यात येत आहे. सामान्य जनतेसह कलाकार मंडळीदेखील आज एकमेकांवर रंग उधळत व होळीच्या गाण्यांवर ठेका धरत आहेत आजची धूळवड साजरी करत आहेत.
अनेक कलाकार मंडळी त्यांच्या सोशल मीडियाद्वारे चाहत्यांना होळी व धुळवडीच्या खास शुभेच्छा देत आहेत. अशातच नारकर जोडप्यानेही त्यांचा एक खास व्हिडीओ शेअर करत सर्वांना आजच्या धुळवडीच्या शुभेच्छा दिल्या आहेत. अभिनेत्री ऐश्वर्या नारकर आणि अभिनेते अविनाश नारकर हे त्यांच्या कामाबरोबरच सोशल मीडियावरही तितकेच सक्रिय असतात. ही जोडी सोशल मीडियावरील अनेक ट्रेंडिंग रील व्हिडीओ शेअर करत असतात आणि आज होळीनिमित्त त्यांनी एक खास व्हिडीओ शेअर केला आहे.
नुकतंच लाडक्या नारकर जोडप्याने एक व्हिडीओ शेअर करत आपल्या चाहत्यांना धुळवडीच्या शुभेच्छा दिल्या आहेत. या व्हिडीओत, ऐश्वर्या नारकर व अविनाश नारकर एकमेकांना रंग लावून धुळवड साजरी करताना दिसत आहेत. शिवाय रितेश देशमुख व जिनिलीया देशमुख यांचं लोकप्रिय ‘धुवून टाक’ या गाण्यावर ऐश्वर्या व अविनाश नारकर थिरकताना पाहायला मिळत आहेत. या व्हिडीओमध्ये दोघांचं एकमेकांवर असणारे निखळ प्रेम पाहायला मिळत आहे. त्याचबरोबर या व्हिडीओमधून त्यांचा खास रोमॅंटिक अंदाजही पाहायला मिळत आहे.
दरम्यान, या व्हिडीओखाली त्यांच्या अनेक चाहत्यांनी त्यांना होळी व धुळवडीच्या कास शुभेच्छा दिल्या आहेत. तसेच “तुम्ही दोघे किती गोड आहात, खूपच सुंदर जोडी, कमाल, खूप छान” अशा अनेक कमेंट्स करत त्यांच्या या व्हिडीओचे कौतुक केले आहे. त्याचबरोबर लाईक्स व कमेंट्सद्वारे या व्हिडीओला नेटकऱ्यांनी चांगलीच पसंती दर्शवली आहे.
