अभिनेता व दिग्दर्शक प्रवीण तरडे यांना मराठी सिनेसृष्टीतील आघाडीच्या नावांमध्ये गणलं जातं. अत्यंत खडतर परिस्थितीतून आलेले प्रवीण यांनी अभिनेता म्हणून आपल्या करिअरला सुरुवात केली. त्यानंतर ते कधीच मागे हटले नाही. अभिनयाबरोबरच ‘सरसेनापती हंबीरराव’, ‘देऊळ बंद’, ‘मुळशी पॅटर्न’, ‘धर्मवीर’ यांसारख्या चित्रपटांमध्ये त्यांनी लेखन व दिग्दर्शनाची भूमिका उत्तमरीत्या पार पाडली आहे. प्रवीण यांची पत्नी स्नेहल तरडे हीदेखील प्रसिद्ध अभिनेत्री असून तिनेही अनेक चित्रपटांमध्ये काम केलेलं आहे. (Snehal Tarde post a Video)
स्नेहल तरडे सोशल मीडियावर सक्रिय असून ती अनेक व्हिडिओज तिच्या चाहत्यांसह शेअर करते. असाच एक व्हिडिओ नुकताच पोस्ट केला आहे, जो सध्या व्हायरल होत आहे. प्रवीण तरडे यांना शॉपिंगचे प्रचंड वेड आहे. ते जेव्हा जिथे शॉपिंगसाठी जातात, तेव्हा तिथे अनेक वस्तूंची खरेदी करताना दिसतात. पतीच्या शॉपिंगला ती कंटाळली असून तिला अनेकदा प्रवीण यांना त्या शॉपिंग सेंटरमधून ओढून बाहेर काढावं लागतं. स्नेहलने नुकताच यावर एक गमतीशीर व्हिडिओ इंस्टाग्रामवर पोस्ट केला आहे. ज्यामध्ये ती आपल्या पतीच्या शॉपिंगबद्दल बोलताना दिसत आहेत.
हे देखील वाचा – “प्रार्थना बेहरेचा नवरा तिला मारतो”, सततच्या होणाऱ्या चर्चांबाबत अभिनेत्रीने सोडलं मौन, म्हणाली, “मी त्याला घाबरते असं…”
पोस्ट केलेल्या या व्हिडिओमध्ये ती म्हणाली की, “आम्ही जगातल्या त्या काही दुर्मिळ जोडप्यांपैकी एक आहोत, जिच्या नवऱ्याला प्रचंड शॉपिंगचं वेड आहे. मात्र बायको त्या शॉपिंग सेंटरच्या बाहेर नवऱ्याची वाट बघत बसली आहे. मला शॉपिंगमध्ये काडीचा रस नाही आणि नवऱ्याला जवळजवळ ओढून शॉपिंग सेंटरमधून बाहेर काढावं लागतं.” असं म्हणत त्या “बायको मला शॉपिंगला जायचं… जाऊ दे न व, लई लई शॉपिंग करायचं… जाऊ दे न व”अश्या आवाजात एक कडवं गाताना म्हणते. तसेच या व्हिडिओला तिने ‘Shopping fever’ असं कॅप्शन दिलं आहे.
हे देखील वाचा – “देश की रक्षा के लिए दुश्मन की जान लेना…” बहुचर्चित ‘सॅम बहादूर’चा टीझर प्रदर्शित, विकी कौशलचा लूक पाहून भारावले प्रेक्षक
स्नेहलचा हा व्हिडिओ चाहत्यांच्या पसंतीस पडत असून चाहते यावर कमेंट करत आहे. एक चाहता यावर म्हणाला, “खरंच अशी जोडपी खुप दुर्मिळ आहेत. पण याच जोडप्याचा आज अनेक जण आदर्श घेत आहेत.” तर दुसरा चाहती म्हणाली, “अगदी तुझ्यासारखं. आमच्याकडे पण माझा नवरा शॉपिंग करतो, आणि मी त्याची वाट बघत असते.” तिच्या या व्हिडिओची जोरदार चर्चा होत आहे.