झी मराठी वाहिनीवरील ‘तुला शिकवीन चांगलाच धडा’ ही मालिका सध्या बरीच चर्चेत आहे. अवघ्या काही दिवसांमध्येच या मालिकेने प्रेक्षकांच्या मनावर अधिराज्य गाजवलं. मालिकेतील कथानकाबरोबर त्यातील पात्रंही प्रेक्षकांच्या पसंतीस उतरत आहेत. या मालिकेत अभिनेत्री कविता मेढेकर या ‘भुवनेश्वरी’ ही नकारात्मक भूमिका साकारत आहेत. ‘तुला शिकवीन चांगलाच धडा’ भुवनेश्वरची भूमिका साकारणाऱ्या कविता यांचा आज वाढदिवस आहे. कविता यांच्या वाढदिवसानिमित्त त्यांच्या ऑनस्क्रीन सूनेने म्हणजेच अभिनेत्री शिवानी रांगोळेने एक खास पोस्ट शेअर केली आहे. शिवानीने कविता यांच्याबरोबरचा एक फोटो शेअर केला आहे. (Shivani Rangole Shared Post For Kavita Lad Medhekar)
शिवानीने कविता यांच्याबरोबरचा फोटो शेअर करत त्यांना वाढदिवसाच्या शुभेच्छा दिल्या. तिने असं म्हटलं आहे की, “माझ्या लग्नात आपली पहिली भेट झाली. तेव्हाच मी तुला तुझी फॅन असल्याचं सांगून टाकलं आणि आता तुझ्याबरोबर काम करून मला खूप आनंद होत आहे. तुझ्याकडून खूप काही शिकण्याची संधी मला मिळत आहे”. यापुढे तिने “तू पहिल्या दिवसापासून माझी मैत्रीण आहेस” असं म्हणत “आपल्या गप्पांचे कट्टे हे माझे सगळ्यात आवडते आहेत” असंही तिने म्हटले आहे.
“आपल्याला पुढे एकत्र काम करायचे आहेत” असं म्हणत शिवानीने कविता यांना भरभरुन वाढदिवसाच्या शुभेच्छा दिल्या. शिवानीची ही पोस्ट सोशल मीडियावर चांगलीच व्हायरल झाली आहे. अनेक चाहत्यांनी या पोस्टखाली कमेंट करत कविता यांना वाढदिवसाच्या शुभेच्छाही दिल्या. खऱ्या आयुष्यात शिवानी व कविता या दोघी एकमेकींच्या चांगल्या मैत्रीणी आहेत. त्यांच्यात मैत्रिणींचं नातं आहे. काही दिवसांपूर्वीच शिवानीचा वाढदिवस झाला होता. त्यानिमित्त कविता यांनीही सोशल मीडियावर खास पोस्ट शेअर केली होती.
आणखी वाचा – “आई कुठे…”, फेम प्रसिद्ध अभिनेत्रीने खरेदी केली आलिशान कार, फोटो शेअर करत म्हणाली, “यंदाची दिवाळी…”
दरम्यान कविता यांनी त्यांच्या आजवरच्या कारकिर्दीत पहिल्यांदाच नकारात्मक भूमिका साकारली आहे. मात्र, त्यांच्या या नकारात्मक भूमिकेलाही प्रेक्षक भरभरुन प्रेम देत आहेत. नुकत्याच संपन्न झालेल्या झी मराठी पुरस्कार सोहळ्यात त्यांना सर्वोत्कृष्ट खलनायिका आणि सर्वोत्कृष्ट व्यक्तीरेखा हे पुरस्कार मिळाले.
