शेफाली जरीवालाच्या निधनानंतर अनेक चर्चांना उधाण आलं आहे. हृदयविकाराच्या झटक्यामुळे तिचं निधन झालं असल्याचं प्राथमिक माहिती समोर आली. मात्र अद्यापही या संपूर्ण प्रकरणावर पोलिसांचा तपास सुरु आहे. पती पराग त्यागी, सिक्युरीटी गार्ड, नोकर यांचीही पोलिसांनी चौकशी केली आहे. दरम्यान शेफालीचं निधन नक्की कशामुळे झालं? याबाबत कोणतीच अधिकृत माहिती समोर आलेली नाही. पण शेफालीच्या डॉक्टरांनी काही खुलासे केले आहेत. तिला काही आजार होता का?, शेफाली नक्की कसले उपचार घेत होती? याबाबत डॉक्टरांनी सांगितलं आहे. (Actress Shefali Jariwala Passed Away)
‘एबीपी न्यूज’च्या वृत्तानुसार डॉक्टरांनी शेफालीबाबत माहिती दिली आहे. शेफाली कोणते उपचार घेत होती का?, नक्की काय घडलं होतं? याबाबत त्यांनी माहिती दिली आहे. शेफालीवर उपचार करणाऱ्या डॉक्टरांनी सांगितलं की, “तरुण दिसण्यासाठी गेली ५ ते ६ वर्ष ती उपचार घेत होती. एंटी एजिंग उपचार सुरु होते. ती काही औषधंही घेत होती. ज्यामध्ये व्हिटॅमिन सी आणि Glutathione या औषधांचा समावेश होता”. पण या सगळ्या औषधोपचारांचा हृदयविकाराशी काहीच संबंध नसल्याचंही डॉक्टरांनी नमुद केलं आहे. तसेच शेफाली अगदी फीट असल्याचंही त्यांचं म्हणणं आहे.
डॉक्टर म्हणाले की, “तरुण दिसण्यासाठीची औषधं फक्त चेहरा गोरा आणि ताजा दिसण्याचेच काम करतात. या औषधांचा परिणाम फक्त त्वचेवरच होतो. ती शारीरिक दृष्ट्या अगदी व्यवस्थित होती. शेफालीला कधीच कोणता आजार नव्हता”. डॉक्टरांनी अगदी स्पष्ट शब्दांत शेफालीच्या शारीरिक आरोग्याबाबत माहिती दिली. अभिनेत्रीला कोणताच आजार नसल्याचं डॉक्टरांच्या बोलण्यामधून सिद्ध झालं आहे.
आणखी वाचा – “तिच्यावर उपचार सुरु होते आणि…”, शेफाली जरीवालाच्या पतीने पोलिसांना नक्की काय सांगितलं?, चौकशी सुरु
शेफालीचं हे दुसरं लग्न होतं. हरमीतसह फक्त पाच वर्षच शेफालीने संसार केला. लग्नाच्या काही वर्षातच दोघांमध्ये वाद सुरु झाले. मानसिक तसेच शारीरिक हिंसाचाराचे आरोपही शेफालीने हरमीतवर केले. मात्र पुन्हा नव्याने संसार थाटण्याचा तिने निर्णय घेतला. पहिल्या घटस्फोटानंतर सहा वर्षांनी तिने २०१५मध्ये पराग त्यागीशी लग्न केलं. दोघांचा अगदी सुखाचा संसार सुरु होता. मात्र अचानक शेफालीच्या जाण्याने पतीसह तिच्या संपूर्ण कुटुंबाला मोठा धक्का बसला आहे.
