Shefali Jariwala Death : २८ जून रोजी चित्रपट आणि टीव्ही जगातील एक धक्कादायक बातमी समोर आली आहे. ‘कांटा लगा’ या गाण्यासाठी प्रसिद्ध असलेली अभिनेत्री शेफाली जरीवालाचे हृदयविकाराच्या झटक्याने निधन झाले आहे. इतक्या लहान वयात अभिनेत्रीचे निघून जाणे सर्वांना धक्कादायक आहे. या दु: खद बातमीमुळे, मनोरंजन विश्वात शोक व्यक्त केला जात आहे. मृत्यूच्या आधी, शेफालीने काही मोहक फोटोंबरोबरच अलीकडेच एक व्हिडीओ देखील शेअर केला होता, आणि यांत तिने दिलेलं कॅप्शन आता व्हायरल झालं आहे. अभिनेत्रीने या व्हिडीओसह असं म्हटलं होतं की, “जगण्याची वेळ आली आहे”.
अभिनेत्रीने स्वप्नातही कधी विचार केला नसेल की तिने आयुष्याबद्दल स्टोरीमध्ये लिहिलेली ओळ काही वेळातच संपणार आहे. अलीकडेच, शेफालीने तिच्या मेकअपचा एक व्हिडीओ शेअर केला ज्यावर लिहिण्यात आले होते की, “आपल्या आयुष्यात जगण्याची वेळ आली आहे, ज्यात सगळं काही आपल्या आवडीचे असेल”. यासह ती काही रहस्य सांगण्याविषयीही बोलताना दिसली आहे.
त्याच वेळी, तीन दिवसांपूर्वी, शेफालीने इन्स्टाग्रामवर तिचे काही सुंदर फोटो पोस्ट केले होते, ज्यात ती वेगवेगळ्या पोझ देताना दिसली. शेफालीच्या या पोस्टवर आता लोक तुटून पडले आहेत. नेटकरी या पोस्टवर सतत भाष्य करत असं विचारताना दिसत आहेत की, “अरे देवा, हे खरे आहे का?”. बरेच लोक सतत असे म्हणत आहेत की, “मला विश्वास नाही की ती आता नाही”. आणखी एकाने सांगितले, “यावर विश्वास ठेवणे फार कठीण आहे, आम्हाला धक्का बसला आहे”.
अशी बातमी आहे की शेफालीला हृदयविकाराचा झटका आला आणि तिला रुग्णालयात नेण्यात आले. या अहवालानुसार शेफाली जरीवाला यांना अंधेरी येथील बेलेव्यू मल्टीस्पेशलिटी हॉस्पिटलमध्ये दाखल करण्यात आले, जिथे तिला मृत घोषित करण्यात आले. असे सांगितले जात आहे की आयसीयूमध्ये जाण्यापूर्वी शेफालीचा मृत्यू झाला होता. त्यावेळी तिच्यासह तिचा नवरा आणि अभिनेता पराग त्यागी आणि इतर तीन लोक होती.
