मराठी मालिका, चित्रपट यातून अभिनय करत प्रेक्षकांचे मनोरंजन करणारी अभिनेत्री म्हणजे मृण्मयी देशपांडे. मृण्मयीने आजवर रीअॅलिटी शोजचे सूत्रसंचालनदेखील केले आहे. मृण्मयी देशपांडे व तिचा पती स्वप्नील राव ही जोडी मराठी चित्रपटसृष्टीतील अनुरूप जोडी समजली जाते. या दोघांची केमिस्ट्री प्रेक्षकांना खूप आवडते. मृण्मयी व स्वप्निल सोशल मीडियावर बऱ्यापैकी सक्रिय असतात. एकमेकांबरोबचे अनेक फोटो व व्हिडीओ शेअर करत ते चाहत्यांच्या संपर्कात राहत असतात. या दोघांना फिरण्याचीही प्रचंड आवड आहे. (Mrunmayee Deshpande On Instagram)
गेल्या काही वर्षांपासून मृण्मयी शेती करण्यात रमली आहे. अभिनयातून मोकळं वेळ मिळाला की ती तिच्या पतीबरोबर महाबळेश्वर येथे शेती करत असते. मृण्मयी व तिचा पती २०२० पासून मुंबई सोडून महाबळेश्वर येथे राहत आहे. त्यांनी महाबळेश्वरला छोटंसं टुमदार घरही बांधलं आहे. ती अनेकदा तिचे तिच्या शेतातले फोटो व व्हिडिओही चाहत्यांसह शेअर करत असते. त्यानंतर आता तिने शेतीपूरक व्यवसायही सुरू केला आहे. अशातच तिने नुकतच एक नवीन व्हिडीओ शेअर केला आहे. या व्हिडीओची सध्या सोशल मीडियावर चांगलीच चर्चा सुरु आहे.
आणखी वाचा – गाणगापूर, अक्कलकोट अन्…; आदेश बांदेकरांचे कुटुंबासह ट्रेनने देवदर्शन, फोटो शेअर करत म्हणाले “आनंदयात्रेचा…”
मृण्मयीने तिच्या पतीबरोबरचा शेतीमधला एक खास व्हिडीओ सोशल मीडियावर शेअर केला असून या व्हिडीओमध्ये तिने असे म्हटले आहे की, “जेव्हा तुम्ही शेती करत असता तेव्हा तुमच्या पूर्ण शरीराचं व्यायाम होतो. तर जिममध्ये तुम्ही कसरत का करावी? कापणी हा खूपच चांगला व्यायाम आहे. शेतात काम करत असताना जिमची कुणालाच गरज नाही” असं म्हणत तिने हा व्हिडीओ शेअर केला आहे. तसेच या व्हिडीओमध्ये मृण्मयीचा पती स्वप्नील हा शेतात कापणी करत असतानाच स्कॉट कसे मारले जातात? याचे प्रात्यक्षिकदेखील करुन दाखवत आहे.
आणखी वाचा – “आगीत तेल ओततात पण…”, ‘बिग बॉस’ स्क्रिप्टेड असण्याच्या चर्चांवरुन पुष्कर जोगचा खुलासा, म्हणाला, “त्या घरात…”
दरम्यान, नुकताच गौतमीचा विवाहसोहळा पार पडला असून या लग्नात बहीण म्हणून मृण्मयीने खूपच धमाल केली. गौतमी-मृण्मयी या बहिणीची केमिस्ट्री ही खूपच कमाल असल्याचे आजवर अनेकदा पाहायला मिळाले आहे. त्यांचे अनेक व्हिडीओ सोशल मीडियावर व्हायरल होत असतात. अशातच मृण्मयीच्या या व्हिडीओचीदेखील सोशल मीडियावर चांगलीच चर्चा रंगली असून मृण्मयी सध्या निसर्गसानिध्यात शेतीचा आनंद अनुभवत आहे.
