बॉलिवूडमधील स्टारकिड्सच्या यादीमध्ये आमिर खानची लेक आयरा खानचं नावंही आवर्जुन घेतलं जातं. आयरा कलाक्षेत्रापासून दूर असली तरी तिचे सोशल मीडियावर मिलियनच्या घरात फॉलोवर्स आहेत. शिवाय ती सतत चर्चेतही असते. काही महिन्यांपूर्वीच बॉयफ्रेंड नुपुर शिखरेबरोबर तिचा साखरपुडा थाटामाटात पार पडला. आता आयराच्या लग्नाची जोरदार तयारी सुरु झाली आहे. आयराचं लग्न कधी होणार? कुठे होणार? लग्नाला कोण कोण उपस्थित असणार? याबाबत आता नवी माहिती समोर आली आहे.
आमिर व संपूर्ण खान कुटुंबिय आयराच्या लग्नाच्या तयारी लागलं आहे. ‘नवभारत टाइम्स’च्या वृत्तानुसार, उदयपुरमध्ये आयरा-नुपुरचं लग्न होणार आहे. जवळपास तीन दिवस आयराच्या लग्नाचे कार्यक्रम असतील. लग्नामध्ये कुटुंबिय तसेच जवळची मित्र-मंडळी उपस्थित राहणार आहेत. विशेष म्हणजे अगदी कमी लोकांच्या उपस्थित हे लग्न होणार आहे. कलाक्षेत्रामधील मंडळीही या विवाहसोहळ्याला उपस्थित नसणार असल्याचं समोर आलं आहे.
शिवाय आमिरही लेकीच्या लग्नासाठी खूप उत्सुक आहे. सुत्रांच्या माहितीनुसार, आमिर लेकीच्या विवाहसोहळ्यासाठी विविध प्लॅनिंग करत आहे. तसेच तो स्वतः प्रत्येक तयारीमध्ये लक्ष देत आहे. होणाऱ्या जावयाचं स्वागत करण्यास आमिर सज्ज झाला आहे. लेकीच्या साखरपुड्यामध्येही आमिर अगदी आनंदी होता. त्याच्या नृत्याने तर सगळ्यांचं लक्ष वेधून घेतलं होतं.
नुपुर एक फिटनेस ट्रेनर आहे. अनेक सेलिब्रिटी मंडळींना तो ट्रेन करतो. शिवाय आमिरचाही तो फिटनेस ट्रेनर होता. दरम्यान आयरालाही ट्रेन करत असताना दोघांमध्ये मैत्री झाली. आयरा-नुपुरच्या मैत्रीचं रुपांतर प्रेमात झालं. आयरा आमिरची पहिली पत्नी रिना दत्ताची मुलगी आहे. आता आयराच्या लग्नानिमित्त संपूर्ण खान कुटुंबिय पुन्हा एकदा एकत्र येणार आहे.