Niranjan Kulkarni Wedding Video : कलाविश्वात कलाकारांच्या वैयक्तिक आयुष्याची बरीच चर्चा रंगलेली पाहायला मिळते. कलाकार मंडळी त्यांच्या आयुष्यात काय करतात हे जाणून घ्यायलाही प्रेक्षक नेहमीच उत्सुक असतात. बरेचदा ही कलाकार मंडळी चाहत्यांबरोबर त्यांच्या आयुष्यातील खास क्षण शेअर करतात. काहीवेळा अचानक शेअर केलेले त्यांचे हे क्षण प्रेक्षकांना सुखद धक्का देऊन देतात. सिनेसृष्टीतील कलाकारांचे लग्न विशेषतः अनेकांच्या पसंतीस पडते. अशातच काही दिवसांपूर्वी मालिकाविश्वातील एका कलाकाराने गुपचूप लग्नगाठ बांधत चाहत्यांना आनंदाचा धक्का दिला. थेट रिसेप्शनच्या व्हिडीओ पोस्ट करत त्याने ही गुडन्यूज दिली. हा अभिनेता म्हणजे निरंजन कुलकर्णी.
‘आई कुठे काय करते’ या मालिकेत अभिषेक हे पात्र साकारत निरंजन घराघरांत पोहोचला. निरंजनने आजवर अनेक मालिकांमध्ये महत्त्वाच्या भूमिका साकारल्या आहेत. मात्र ‘आई कुठे काय करते’ मालिकेतून निरंजनला खऱ्या अर्थाने लोकप्रियता मिळाली. या मालिकेनेही अनेक वर्ष प्रेक्षकांचं अविरतपणे मनोरंजन केलं. मालिका संपल्यानंतर आता निरंजन त्याच्या गुपचूप केलेल्या लग्नामुळे चर्चेत आला आहे. काही दिवसांपूर्वी त्याने रिसेप्शनचे फोटो शेअर करत ही आनंदाची बातमी दिली होती. यानंतर आता अभिनेत्याने त्याच्या लग्नसोहळ्यात विधींचा व्हिडीओ शेअर केला आहे.
निरंजनने त्याच्या लग्नातील पारंपरिक थाटमाट असलेला एक व्हिडीओ शेअर केला आहे. “शुभमंगल सावधान”, असं कॅप्शन देत त्याने त्याच्या शाही विवाहसोहळ्याची झलक दाखविली आहे. निरंजनने समुद्र किनारी अत्यंत दिमाखात लग्न केले. यावेळी निरंजन आणि त्याची पत्नी मनीषा गुरम यांचा मराठमोळा लूक अनेकांच्या पसंतीस पडला. निरंजनने लग्नासाठी खास पेशवाई लूक केला होता. पांढऱ्या रंगाचा सदरा आणि त्याला कॉन्ट्रास्ट असा गुलाबी रंगाचा शेला व पगडी त्याने परिधान केली. तर त्याच्या पत्नीने पिवळ्या रंगाची आणि गुलाबी काठ असलेली साडी नेसली होती. कपाळावरील चंद्रकोराने तिच्या सौंदर्यात भर पडली होती.
आणखी वाचा – प्रिया बापटला Blinkit ने पाठवला सडलेला कोबी, फोटोही केला शेअर, म्हणाली, “घाणेरड्या दर्जाच्या भाज्या…”
निरंजन व मनीषा यांचा लग्नातील मराठमोळा अंदाज खूपच खास होता. दोघांच्या लग्नात जवळचे नातेवाईक, कुटुंबीय आणि मित्रपरिवार उपस्थित असलेला पाहायला मिळाला. निरंजनने शेअर केलेल्या या व्हिडीओला अनेक कलाकारांनी आणि त्याच्या चाहत्यांनी पसंती दर्शविली आहे.
