Priya Bapat And Umesh Kamat Romantic Photo : मनोरंजनसृष्टीत अशी अनेक कलाकार मंडळी आहेत, ज्यांनी आपल्या सह-कलाकाराची जोडीदार म्हणून निवड केली. अशीच एक जोडी आहे, जी प्रेक्षकांच्या आवडत्या जोडीपैकी एक आहे ती म्हणजे अभिनेत्री प्रिया बापट व अभिनेता उमेश कामत. मराठीतील एक क्युट जोडी म्हणून प्रिया व उमेश यांच्याकडे पाहिलं जातं. नाटक, मालिका व चित्रपटांमध्ये हे दोघं एकत्र दिसले असून या दोघांनीही त्यांच्या अभिनयाच्या कौशल्यावर प्रेक्षकांच्या मनावर अधिराज्य गाजवलं. सध्या ही जोडी रंगमंचाकडे वळली असल्याचं दिसतंय. दर्जेदार नाटक करत, आणि नाटकांची निर्मिती करत ही जोडी आता एक पाऊल पुढे टाकताना दिसत आहे.
सोशल मीडियावरही उमेश व प्रिया बऱ्यापैकी सक्रिय असतात. नेहमीच ते काही ना काही शेअर करत चाहत्यांच्या संपर्कात राहत असतात. विशेषतः एकत्र रोमँटिक फोटो पोस्ट करत ही जोडी नेहमीच चर्चेत राहिली आहे. या जोडीचे काही रोमँटिक फोटो सोशल मीडियावर व्हायरल होत आहेत. सध्या उमेश व प्रिया परदेश दौरा करताना दिसत आहेत. परदेशातील या जोडीने शेअर केलेल्या एका फोटोमध्ये ते लिप किस करताना दिसले. दोघांचा हा लिप किस करतानाचा फोटो तुफान व्हायरल होत आहे. त्यांच्या या फोटोंवर पल्लवी पाटील, अहाना कुमरा, आशुतोष गोखले अशा कलाविश्वातील मंडळींनीही हार्ट इमोजी शेअर करत कमेंट केल्या आहेत.
गेल्या महिन्यात ६ ऑक्टोबरला प्रिया व उमेश यांच्या लग्नाला १३ वर्ष पूर्ण झाली. त्यानिमित्ताने प्रियाने उमेशसाठी खास पोस्ट शेअर केली होती. प्रियाने शेअर केलेल्या पोस्टमध्ये असे लिहिले होते की, “आपल्याला लग्नाच्या वाढदिवसाच्या शुभेच्छा. १३ वर्षांचे लग्न आणि २० वर्षांची एकमेकांची साथ. प्रेम, हसू आणि तुला जेवायला काय हवं आहे हे विचारल्याची ही खूपच वर्षे आहेत”.
प्रिया-उमेशची खऱ्या आयुष्यातील लव्ह स्टोरी अनेकांना माहित आहे. प्रिया व उमेशमध्ये तब्बल आठ वर्षांचे अंतर आहे. १२ वी मध्ये असतानाच प्रिया उमेशच्या प्रेमात असल्याचा खुलासा तिने ‘दोन स्पेशल’ या कार्यक्रमात केला होता. प्रियाने जेव्हा उमेशला प्रपोज केले होते, तेव्हा ती फारच लहान होती आणि उमेशने होकार द्यायलाही बराच वेळ घेतला होता. त्यांच्या नात्याला सुरुवातील घरुन विरोध झाला होता, मात्र २०११ मध्ये त्यांनी कुटुंबीयांच्या परवानगीने लग्नगाठ बांधली.
