भारतात समुद्रावर बांधण्यात आलेल्या सर्वात लांब पुलाचे म्हणजेच मुंबई ट्रान्स हार्बर लिंक या महामार्गाचा लोकार्पण सोहळा आज पार पडणार आहे. अटल बिहारी वाजपेयी शिवडी-न्हावा शेवा अटल सेतू असं नाव या पुलाला देण्यात आलं आहे. भारतातील सर्वात लांब समुद्रावरचा पूल असलेल्या प्रकल्पासाठी १७ हजार ८४० कोटी रुपयांहून अधिक खर्च करण्यात आला आहे. आज पंतप्रधान नरेंद्र मोदी यांच्या हस्ते या सेतूचा लोकार्पण सोहळा पार पडणार आहे.
या अटल सेतूमुळे मुंबईकरांच्या प्रवासाला लागणार वेळ हा अधिक पटीने वाचणार आहे. मुंबई ते नवी मुंबई हे अंतर २० मिनिटात पार होणार असल्याची शक्यता वर्तवली जात आहे. दरम्यान या महत्त्वकांक्षी प्रकल्पामुळे मुंबईकरांचा वेळ वाचणार आहे. यावर मराठीतील काही कलाकारांनीही आनंद व्यकात केला आहे. स्टार प्रवाहवरील ‘मुरांबा’ मालिकेतून प्रेक्षकांच्या भेटीला येणारा अभिनेता शशांक केतकरने त्याच्या सोशल मीडियाद्वारे या अटल सेतूचा एक खास व्हिडीओ शेअर करत आनंद व्यक्त केला आहे.
हेही वाचा – प्रसिद्ध गायक सनम पुरीचा शाही विवाहसोहळा संपन्न, गर्लफ्रेंडसह थायलँडमध्ये केलं लग्नं, पाहा खास फोटो
शशांकने अटल सेतूचा व्हिडीओ शेअर करत असे म्हटले आहे की, “१९६३ पासून रखडलेल्या सागरी सेतूचा प्रकल्प मा. उपमुख्यमंत्री श्री देवेंद्रजी फडणवीस यांनी त्यांच्या मुख्यमंत्री काळात हिरीरीने हाती घेतला आणि आज १२ जानेवारी २०२४ रोजी, त्याच महाकाय अशा अटल सेतूचे उद्घाटन मा. पंतप्रधान श्री. नरेंद्रजी मोदी यांच्या हस्ते करण्यात येणार आहे.” असं म्हटलं आहे. अभिनेत्री शिवानी बावकरनेदेखील हा खास व्हिडीओ शेअर करत तिचा आनंद व्यक्त केला आहे.
तर मराठीतीतील लोकप्रिय गायक अवधूत गुप्ते व बांदोडकर यांच्यासह गायिका वैशाली सामंत हे या अटल सेतूच्या उद्घाटन सोहळ्याच्या ठिकाणी गाणार आहेत. गायिकेने तिच्या सोशल मीडियाद्वारे हा खास फोटो शेअर करत आनंद व्यक्त केलं आहे. यावेळी कलाकारांनी त्यांचे हे खास क्षण चाहत्यांबरोबर शेअर करत आमच्यासाठी ही अभिमानाची गोष्ट असल्याचे म्हटले आहे.
