प्रसिद्ध गायक सनम पुरी हा नुकताच विवाहबंधनात अडकला आहे. नागालँडमधील त्याची गर्लफ्रेंड झुचोबेनी टुंगोसोबत लग्न केले. गुरुवार ११ जानेवारी रोजी दोघांनी विधिवत लग्न केले. सोशल मीडियावर त्यांच्या लग्नाचे अनेक फोटो व व्हिडीओ सोशल मीडियावर व्हायरल होत आहेत. या फोटो व व्हिडीओवरुन पाहता दोघांचे लग्न ख्रिश्चन रितीरिवाजानुसार पार पडले असल्याचे दिसत आहे. (Sanam Puri Wedding)
‘सनम’ या ‘पॅाप-रॅाक बॅंड’चा तो एक मुख्य भाग आहे. ‘सनम’ या पॅाप-रॅाक बॅंडने आज पर्यंत अनेक सुपरहिट गाणी दिली आहेत. गायक व संगीतकार सनमने त्याची गर्लफ्रेंड जुकोबेनी टुंगो बरोबर नागालॅंडमध्ये लग्न केले. गेल्या वर्षी ११ मार्चला सनम पुरी आणि त्याची गर्लफ्रेंड जुकोबेनी टुंगो यांनी साखरपुडा केला होता. सोशल मीडियावर व्हायरल होत असलेल्या फोटो व व्हिडीओमध्ये त्याने काळ्या रंगाचा फॉर्मल सूट परिधान केला असल्याचे दिसत आहे. तर त्याची पत्नी जुकोबेनी टुंगोने पांढऱ्या रंगाचा मोठा गाऊन परिधान केला होता. या लुकमध्ये दोघेही खूप सुंदर दिसत होते.
सनम पुरीने ‘हंसी तो फंसी’ या चित्रपटातील प्रसिद्ध गाणे ‘इश्क बुलावा’, ‘स्टूडेंट ऑफ द ईयर २’चा ‘फकीरा’ हा टायटल ट्रॅक याबरोबरच अनेक सुपरहिट गाणे गायले आहेत. एवढेच नाही तर अनेक जुन्या सुपरहिट गाण्यांचे धमाकेदार रीमेकही खुप प्रसिद्ध आहेत. सनम हा फक्त एक गायकच नाही तर संगीतकारही आहे.
दरम्यान, गेल्या वर्षी ११ मार्चला सनम पुरी व त्याची गर्लफ्रेंड जुकोबेनी टुंगो यांनी साखरपुडा केला होता. मित्र आणि कुटुंबातील सदस्यांच्या उपस्थीतीत नागालॅंडमध्ये ११ जानेवारीला सनम व जुकोबेनी टुंगो यांनी पारंपरीक पद्धतीने लग्न केले आहे. त्यांच्या लग्नाच्या या व्हायरल फोटो व व्हिडीओद्वारे चाहत्यांनी त्यांच्यावर कौतुकाचा वर्षाव केला आहे. तसेच त्याला लग्नानिमित्त कमेंट्सद्वारे शुभेच्छाही दिल्या आहेत.