हिंदी टीव्ही जगतातील लोकप्रिय व तितकाच वादग्रस्त टीव्ही शो ‘बिग बॉस’च्या १७व्या सीझनला नुकतीच सुरुवात झाली आहे. या शोमध्ये अंकिता लोखंडे, नील भट्ट, मन्नारा चोप्रा यांसारख्या कलाकारांसह अनेक प्रसिद्ध युट्युबरही सहभागी झालेले आहे. याच घरात नकारात्मक व्यक्तिरेखांसाठी प्रसिद्ध असलेली टीव्ही अभिनेत्री रिंकू धवन देखील सहभागी झाली. दरम्यान, अभिनेत्रीचे पुर्वश्रमीचे पती व मराठमोळे अभिनेते किरण करमरकर हेही या शोमध्ये सहभागी होणार असल्याच्या चर्चा मध्यांतरी सुरु होत्या. मात्र, त्या अफवा असल्याचे सांगत त्यांनी एक खुलासा केला आहे. (Kiran Karmarkar talks about Bigg Boss 17)
अभिनेत्री रिंकू धवनने किरण करमरकर यांच्याशी लग्न केलं होतं. दोघांचा हा संसार गेली १५ वर्ष गुण्यागोविंदाने सुरु होता. मात्र, काही काळानंतर हे दोघे विभक्त झाले. या जोडीला एक मुलगा आहे. अशातच किरण यांनी नुकतंच ‘ई टाईम्स’ला मुलाखत दिली. ज्यामध्ये त्यांनी ‘बिग बॉस’ बद्दल बोलताना त्यांच्या पूर्व पत्नीबद्दल एक खुलासा केला आहे.
हे देखील वाचा – एकमेकांना किस केलं, निवांत क्षण अन्…; वनिता खरातने नवऱ्याला दिलं खास सरप्राइज, म्हणाला, “तू मला…”
‘बिग बॉस’ कडून आलेल्या ऑफरबद्दल आणि पूर्वपत्नी रिंकूच्या सहभागाबद्दल बोलताना किरण करमरकर म्हणाले, “या चर्चा पूर्णपणे निष्प्रभ असून मला अशी कोणतीही ऑफर आलेली नाही. मी कधीही या शोचा भाग बनणार नाही. हा शो पाहिला नाही. मात्र, यावर होणाऱ्या चर्चांबद्दल मी खूप काही ऐकलं आहे. जेव्हा रिंकूने या शोमध्ये सहभागी होण्याचा निर्णय घेतला, त्याआधी तिने मला फोन केला. आम्ही दोघं एका बिल्डिंगमध्ये राहत असून आमच्या मुलाचं दोन्ही घरात येणं-जाणं सुरूच असतं. म्हणून ती मला कळवायची की, मी थोड्या दिवसासाठी दूर राहणार आहे. तेव्हा मी तिला शुभेच्छा दिल्या. माझा मुलगा त्याच्या आवडी-निवडी जोपासत असून त्यालाही त्या घरात काय सुरु आहे, याची फारशी माहिती नाही.”
हे देखील वाचा – Video : पार्टी सोडून रस्त्यालगतच्या दुकानामध्ये पाणीपुरी खायला आल्या धनश्री काडगावकर व दीपा परब, पाहा काय घडलं, व्हिडीओ व्हायरल
पुढे या शोबद्दल बोलताना ते म्हणाले, “अनेक महिने घरात राहून लोकांशी भांडण्यापेक्षा मी वेगळ्या पद्धतीने पैसे कमावू शकतो. मी या शोचे काही सीझन पहिले आणि या शोमध्ये माझा गेम कसा खेळायचा, हे मला ठाऊक आहे. पण मला माहित नाही की, ते कोणत्या गेमबद्दल बोलत आहे? मला या शोचा फॉरमॅट माहित नाही. मी एक साधा माणूस असून मला केवळ लोकांचे मनोरंजन करणे हेच माहित आहे. मी पैसे कमवण्यासाठी एखादा स्टॉल सुरु करेन. पण घरात बंद करून लोकांना ओरडण्यास सांगायचं असेल, तर ते मला जमणार नाही.”, असं म्हणत त्यांनी रिंकू धवनला शुभेच्छा दिल्या आहेत.
