चंदेरी दुनियेतील कलाकार व त्यांचं राहणीमान याबाबत प्रत्येकालाच आकर्षण असतं. पुरस्कार सोहळा असो वा रेड कार्पेट कलाकारांचा ग्लॅमरस अंदाज भूरळ पाडणारा असतो. इतकंच काय तर बॉलिवूड पार्ट्यांचीही नेहमीच चर्चा रंगताना दिसते. या पार्ट्यांमध्ये नक्की काय घडतं? याबाबतही अनेकांना उत्सुकता असते. कित्येकदा तर या पार्ट्यांमधून बाहेर येणारे कलाकार नशेत असल्याचं कॅमेऱ्यासमोरच दिसून आलं. आता एक मोठं सत्य समोर आलं आहे. सलमान खानच्या पार्टीमध्ये घडणाऱ्या घटनांबाबत दिग्दर्शकांनी खुलासा केला आहे. दारू ते रशियन मुली नक्की सलमानच्या पार्टीचं चित्र काय असतं? याविषयी त्यांनी सविस्तर सांगितलं. (Salman khan bollywood party)
सलमानच्या पार्टीत रशियन
‘लकी’ चित्रपटाचे दिग्दर्शक विनय सप्रू व राधिका राव यांनी अनेक खुलासे केले होते. त्यांच्या या चित्रपटात सलमानसह अभिनेत्री स्नेहा उल्लाल होती. रश युट्यूबला दिलेल्या मुलाखतीत दोन्ही दिग्दर्शकांनी सांगितलं की, “चित्रपट असणाऱ्या रशियन क्रुला आम्ही सलमानच्या पार्टीमध्ये न जाण्यास सांगितलं होतं. तुम्ही पार्टीला गेलात तर दुसऱ्या दिवशी सेटवर येणार नाही असं आम्ही बोलत होतो. मात्र ते ऐकले नाहीत”.
वोडका पाण्यासारखा वाहत होता
“रशियन क्रूने आम्हाला म्हटलं की, आम्ही रशियन आहोत. दारू पिण्याच्या बाबतीत आम्हाला कोणीच मागे टाकू शकत नाही. मग आम्हीही त्यांना काही पुढचं न सांगता ‘ऑल द बेस्ट’ म्हटलं. लक्षात ठेवा ही सलमान खानची पार्टी आहे, कमी समजू नका असंही सांगितलं. वोडका पाण्यासारखा त्या पार्टीमध्ये वाहत होता. लोक दारू पितच राहिले. वोडका पिण्यामध्ये आम्ही खूप सरस आहोत हे रुसच्या लोकांना सिद्ध करायचं होतं”.
आणखी वाचा – “तो काही शाहिद आफ्रिदी नाही”, विराट कोहलीच्या निवृत्तीवर बोलताच जावेद अख्तर ट्रोल, असं काही म्हणाले की…
सलमान तरीही धडपडला नाही
पुढे ते म्हणाले, “रशियन क्रू मेंबर्स पायऱ्यांवर धडपडत होते. दुसऱ्या दिवशी जेव्हा सगळे सेटवर आले तेव्हा काही लोक डोकं धरुन बसले होते. रशिनय लोक खूप शिस्तप्रिय असतात. अनप्रोफेशनल वागणं त्यांना पटत नाही. पण त्या पार्टीत काही भलतंच घडलं. सलमान मात्र एवढं सगळं होऊनही अजिबात धडपडला नाही. हेच बघून रशियन लोकांना आश्चर्य वाटलं. रशियन क्रूने आम्हाला सांगितलं की, आम्ही सगळे धडपत होतो, उलटी करत होतो. सलमानही आमच्याबरोबर दारू पित होता. मात्र त्याला काहीच झालं नाही”. रात्रभर पार्टी करुनही दुसऱ्या दिवशी तितक्याच जोमाने सलमान काम करण्यासाठी तयार होता. दिग्दर्शकांनी त्याच्या पार्टीमधील सगळं सत्य समोर आणलं.
