झी मराठी वाहिनीवरील ‘तुला शिकवीन चांगलाच धडा’ ही मालिका सध्या प्रेक्षकांच्या मनावर अधिराज्य गाजवत आहे. ‘तुला शिकवीन चांगलाच धडा’ या मालिकेमुळे अभिनेता ऋषिकेश शेलार सध्या चांगलाच चर्चेत आहे. यामध्ये त्याने अधिपती हे पात्र साकारलं आहे. तर अक्षराची भूमिका शिवानी रांगोळेने केली आहे. याशिवाय अक्षरा-अधिपतीची जोडीसुद्धा चाहत्यांच्या पसंतीस उतरली आहे.
अधिपती म्हणजेच अभिनेता ऋषिकेश शेलारला काही महिन्यांपूर्वीच कन्यारत्न प्राप्त झालं. त्यानंतर त्याने मोठ्या धूमधडाक्यात लेकीचं बारसं केलं. यावेळी त्याने आपल्या लेकीचे नाव ‘रुही’ असं ठेवलं. ऋषिकेश आपल्या लाडक्या लेकीबरोबरचे खास फोटो सोशल मीडियावर शेअर करत असतो. या फोटोमधून त्याचा लेकीबरोबरचा खास बॉण्ड कायमच दिसून येतो. अशातच त्याने नुकतेच त्याच्या लेकीबरोबरचे काही खास फोटो शेअर केले आहेत.
कालच्या ‘फादर्स डे’निमित्त ऋषिकेशच्या पत्नीने तिच्या व लेकीच्या वतीने ऋषिकेशसाठी खास पोस्ट शेअर केली आहे. तिने इन्स्टाग्राम अकाऊंटद्वारे ऋषिकेशचे लेकीबरोबरकचे क्युट फोटो शेअर केले आहेत. तसेच या फोटोसह तिने हटके कॅप्शनही लिहिलं आहे. यामध्ये तिने असं म्हटलं आहे की, “हॅप्पी फादर्स डे बाबा. आम्ही तुझ्यावर प्रेम करतो. रुहीबरोबर माझाही बाबा झालास त्यासाठी खुप खुप धन्यवाद ऋषिकेश. तू आमची जशी काळजी घेतोस तशी फक्त एक बापच घेऊ शकतो. माझं तुझ्यावर खूप प्रेम आहे”.
आणखी वाचा – Video : अधिपती-अक्षरालाही ‘अंगारो सा…’ गाण्याची भुरळ, हुकस्टेपने वेधलं लक्ष, भुवनेश्वरीही कमेंट करत म्हणाली…
ऋषिकेश हा सोशल मीडियावर चांगलाच सक्रिय असतो. सोशल मीडियावर तो त्याचे तसेच त्याच्या लेकीचे अनेक फोटो शेअर करत असतो. त्याच्या फोटो व व्हिडीओसह त्याच्या लेकीबरोबरच्या फोटोला चाहत्यांकडूनही चांगला प्रतिसाद मिळतो. खास फोटोद्वारे ऋषिकेश त्याच्या लेकीवरचे प्रेम व्यक्त करत असतो. अशातच त्याची कालची पोस्ट सध्या सर्वांचे लक्ष वेधून घेत आहे.
आणखी वाचा – बाप तसा लेक! अविनाश व ऐश्वर्या नारकर यांच्या मुलाला पाहिलंत का?, दिसतो इतका सुंदर, Unseen Photos समोर
दरम्यान, ऋषिकेशने यापूर्वी ‘सुंदरा मनामध्ये भरली’ या मालिकेत दौलत हे खलनायकाचं पात्र साकारलं होतं. खलपात्रामध्येसुद्धा तो तुफान लोकप्रिय झाला होता. त्यासाठी त्याला भरपूर पुरस्कारांनी गौरवण्यातही आले. त्यानंतर आता ‘तुला शिकवीन चांगलाच धडा’ मालिकेत त्याच्यावर खलनायकावरून नायक साकारण्याची जबाबदारी येऊन पडली आणि त्याने ती जबाबदारी अगदी लिलया पार पडत आहे.