सोशल मीडियावर सध्या ‘पुष्पा २’ चित्रपटातील ‘अंगारो सा…’ हे गाणं ट्रेंड करत आहे. ‘पुष्पा’च्या पहिल्या भागाची गाणीसुद्धा सर्वत्र व्हायरल झाली होती. अशातच आता ‘पुष्पा’ चित्रपटाचा भाग दोनही येत्या ऑगस्ट महिन्यात प्रदर्शित होणार आहे. त्यामुळे पुन्हा एकदा पुष्पा व श्रीवल्लीची जोडी प्रेक्षकांच्या भेटीला येणार आहे. तसेच या चित्रपटाआधीच यातील गाणी सोशल मीडियावर धुमाकूळ घालत आहे. अगदी सामान्य माणसांपासून मोठमोठे सेलिब्रिटी सध्या या ‘अंगारो सा…’ या गाण्यावर थिरकत असल्याचं पाहायला मिळत आहे.
मराठी मनोरंजन विश्वातील अनेक कलाकारांनी या गाण्यावर डान्स व्हिडीओ करत प्रेक्षकांना भूतल घातली आहे. ऐश्वर्या व अविनाश नारकर, स्पृहा जोशी, पूर्वा शिंदे, शरयू सोनावणे, ईशा केसकर, यांसह अनेक कलाकारांनी या गाण्यावर रील व्हिडीओ शेअर केला आहे. या लोकप्रिय कलाकारांमध्ये आता आणखी एका सुपरहिट जोडीची भर पडली आहे आणि ही लोकप्रिय जोडी म्हणजे ‘तुला शिकवीन चांगलाच धडा’मधील अधिपती व अक्षरा म्हणजेच अभिनेता हृषीकेश शेलार व अभिनेत्री शिवानी रांगोळे.
आणखी वाचा – Video : प्राजक्ता माळीच्या वडिलांची आजारपणात झालेली अशी अवस्था, चालताही येत नव्हते, शेअर केला भावुक व्हिडीओ
हृषीकेश व शिवानी या दोघांनी सारख्या रंगाचे कपडे परिधान करत ‘अंगारो सा…’ या ट्रेंडिंग गाण्यावरचा डान्स करतानाचा रील व्हिडीओ शेअर केला आहे. रश्मिका व अल्लू अर्जुन यांच्या खास हुकस्टेप्स करत त्यांनी या गाण्यावर छान ठेका धरला आहे. “खूप साऱ्या नियोजनानंतर आम्ही हा डान्स करु शकलो” असं म्हणत त्यांनी हा खास व्हिडीओ आपल्या चाहत्यांबरोबर शेअर केला आहे. या व्हिडीओलं अनेक चाहत्यांनीही लाईक्स व कमेंट्स करत चांगलाच प्रतिसाद दिला आहे.
आणखी वाचा – विरोचकाच्या हाती पुन्हा एकदा विचित्र वीणा, नवीन शक्ती मिळणार? काय असेल नेत्राचं पुढचं पाऊल?
दरम्यान, अधिपती व अक्षरा यांच्या जोडीबद्दल सांगायचं झालं तर मालिकेत सध्या त्यांच्यातील प्रेमाचे कथानक सुरु असून हे कथानक चाहत्यांना विशेष आवडत आहे. नुकतेच अक्षराने खास अंदाजात अधिपतीला प्रपोज केले असून् आता त्यांच्यातील प्रेम आणखी फुलत आहे. ज्याप्रमाणे प्रेक्षक कथानकाच्या व अधिपती-अक्षरा यांच्या प्रेमात पडत आहेत. तसेच त्यांच्या या डान्सच्याही सर्वच प्रेमात पडले आहेत.