झी मराठीवरील ‘तुला शिकवीन चांगलाच धडा’ मालिका प्रेक्षकांच्या चांगलीच पसंतीस पडत आहे. मालिकेतील अक्षरा व अधिपती यांचं नातं प्रेक्षकांना चांगलंच भावत आहे. काहीच दिवसांआधी अक्षराने आपल्या प्रेमाची कबुली दिली आहे. अधिपतीवर आपलं प्रेम असल्याचं तिने मान्य केलं आहे. नुकतंच भुवनेश्वरीने अधिपती-अक्षरा यांना सुर्यवंशी घराण्याच्या रितीनुसार, खऱ्या संसाराला सुरुवात व्हायच्या आधी नवरा-बायकोने अंगावरील कपड्याबरोबर दहा दिवस घराबाहेर राहायचं, सूर्यवंशी घराण्याची ओळख न सांगता सगळ्या अटी पाळून, एकमेकांची साथ न सोडता बाहेरच्या जगात नीट राहू शकले तर त्यांचा संसार सुखाचा होतो असं म्हणून घराबाहेर पडायला भाग पाडले.
यानंतर अधिपती व अक्षरा यांनी त्यांच्या नव्या संसारालाही सुरुवात केली आहे. त्यामुळे अधिपती-अक्षरा यांच्या संसारासाठीचा आटापिटा सुरु आहे. पैशांसाठी ते काही ना काही प्रयत्न करत आहेत. अधिपती जास्त पैसे मिळण्यासाठी काहीतरी काम मिळालं पाहिजे असं बोलत असतानाच त्याला कुस्तीच्या शर्यतीचे पोस्टर दिसते. त्यावर स्पर्धा जिंकणाऱ्याला २५,००० बक्षीस लिहिलेले असते. त्यामुळे पैशांसाठी अधिपती कुस्ती खेळण्याचा निर्णय घेतो. नुकताच या नवीन ट्विस्टचा प्रोमो प्रदर्शित करण्यात आला होता आणि या प्रोमोला प्रेक्षकांनी चांगलाच प्रतिसाद दिला होता.
मालिकेतील अधिपती म्हणजेच अभिनेता ऋषिकेश शेलारने त्याचे या कुस्तीच्या लूकमधील काही खास फोटो शेअर केले आहेत. मालिकेशिवाय ऋषिकेश हा सोशल मीडियावर बऱ्यापैकी सक्रीय असतो आणि त्याच्या चाहत्यांच्या संपर्कात राहत असतो. अशातच त्याने नुकत्याच शेअर केलेल्या या खास फोटोंना चाहत्यांकडून चांगलाच प्रतिसाद मिळत आहे. ऋषिकेशने त्याचे कुस्तीच्या लूकमधील खास फोटो शेअर करत “रगत निघल.. तरी बी Hustle” असं लिहिलं आहे.
आणखी वाचा – देशमुखांच्या सूनेचा परदेशात अनवाणी प्रवास, रस्त्यावरुन फिरताना दिसली अन्…; व्हिडीओ व्हायरल
ऋषिकेशने शेअर केलेल्या या फोटोला अल्पावधीतच तूफान प्रतिसाद दिला आहे. त्याच्या या फोटोखाली अनेक मराठी कलाकारांसह ऋषिकेशच्या अनेक चाहत्यांनी लाईक्स व कमेंट्स करत प्रतिसाद दिला आहे. “भावा एक नंबर”, “एकदम कडक”, “विषय हार्ड”, “लय भारी”, “नादखुळा” अशा अनेक कमेंट्स करत चाहत्यांनी या फोटोला दाद दिली आहे. तसेच स्वानंदी टीकेकर, अक्षया नाईक, अदिती द्रविड आदी कलाकारांनीही ऋषिकेशच्या या फोटोला लाईक्स, कमेंट्स करत प्रतिसाद दिला आहे.