हिंदी व मराठी मनोरंजन विश्वातील सर्वांचीच आवडती व लोकप्रिय जोडी म्हणजे अभिनेता रितेश देशमुख व अभिनेत्री जिनिलिया देशमुख. मराठीमधील एक आदर्श जोडपं म्हणून रितेश व जिनिलिया यांना ओळखले जाते. तसेच त्यांच्यातील नवरा-बायकोचा बॉण्ड हा नेहमीच खास असल्याचे दिसून येते. मनोरंजनसृष्टीत कायम चर्चेत असणारी ही जोडी सोशल मीडियावरील त्यांच्या फोटो व व्हिडीओमुळेदेखील तितकीच चर्चेत राहत असते. रितेश-जिनीलिया नेहमीच एकमेकांबरोबरचे अनेक रील-व्हिडीओ शेअर करत चाहत्यांच्या संपर्कात राहत असतात आणि त्यांचे हे व्हिडीओ चाहत्यांनादेखील भलतेच आवडतात.
रितेश व जिनिलिया हे सोशल मीडियावर त्यांचे अनेक फोटो व व्हिडीओ शेअर करत असतात. त्याचबरोबर ते दोघे त्यांचे अनेक मजेशीर रील-व्हिडीओही शेअर करत असतात. त्यांच्या या गंमतीशीर व्हिडीओंना चाहत्यांचीही चांगलीच पसंती मिळते. अशातच जिनिलियाने तिच्या इन्स्टाग्राम स्टोरीद्वारे एक व्हिडीओ शेअर केला आहे. ज्यामध्ये ती परदेशात रस्त्यावरुन अनवाणी चालत आहे. पायात चप्पल न घालता जिनिलिया परदेशातील रस्त्यावरुन अनवाणी चालताना दिसत आहे.
जिनिलिया सध्या न्यूयॉर्कला गेली असून तिने न्यूयॉर्कमध्ये फिरतानाचा एक व्हिडीओ तिच्या इन्स्टाग्राम स्टोरीद्वारे शेअर केला आहे. या व्हिडीओमध्ये जिनिलिया पायातील चप्पल हातात घेऊन रस्त्यावर अनवाणी चालत आहे. हा अनवाणी चालतानाचा व्हिडीओ शेअर करत तिने “न्यूयॉर्कच्या रस्त्यावर अनवाणी आणि का नाही? असं लिहिलं आहे.
जिनिलियाने चित्रपटसृष्टीमधून ब्रेक घेतला होता. घर, संसार, मुलं सांभाळण्यात ती रमली होती. मात्र तिने तिच्या इच्छेनुसार हा पर्याय निवडला होता. कामाबरोबरच तिने तिच्या कुटुंबाला नेहमीच प्राधान्य दिलं आहे. जिनिलियाची हीच खासियत सगळ्यांना आवडते. इतकंच नव्हे तर जिनिलिया इतर धर्माची असूनही ती मराठी संस्कृतीही तितकीच जपते. त्यामुळे तिच्या स्वभावाचे नेहमीच कौतुक होतं.
विलासराव देशमुख यांची सून, अभिनेता रितेश देशमुखची पत्नी तसेच दाक्षिणात्य, हिंदी मनोरंजनसृष्टी गाजवणारी जिनिलिया देशमुखने तिच्या ‘वेड’ चित्रपटातून मराठी मनोरंजन सृष्टीतही आपली एक वेगळी ओळख निर्माण केली आहे. या चित्रपटातील तिच्या भूमिकेचे चांगलेच कौतुक झाले. त्यामुळे आता जिनिलिया तिच्या कोणत्या नवीन भूमिकेतून प्रेक्षकांच्या भेटीला येणार? यांची सर्वांना उत्सुकता आहे.
