सध्या मराठी मनोरंजनसृष्टीत स्त्रीप्रधान कथानकांवर भर दिला जात असून अनेक मालिका, सिनेमे, नाटकांची निर्मिती सध्या होत आहे. याच कथानकावर आधारित मालिका गेल्या अनेक महिन्यांपासून सुरु आहे, ती म्हणजे झी मराठीवरील लोकप्रिय मालिका ‘तू चाल पुढं’. (tu chaal pudha)
एक सर्वसामान्य गृहिणी असणारी मालिकेची मुख्य पात्र अश्विनी, जी आपला संसार सांभाळत आपलं स्वप्न पूर्ण करण्यासाठी प्रयत्न करते. अश्विनीच्या या प्रयत्नाला तिच्या कुटुंबाचीही साथ लाभते. त्याचबरोबर अनेक संकटे येऊनही ती मोठ्या धैर्याने सामोरं जाते व यातून मार्ग काढते. अश्विनीच्या या प्रवासाला प्रेक्षकांनी भभरून प्रेम दिलेलं असून मालिकेतून अनेक स्त्रिया प्रेरित झाल्याचं पाहायला मिळतंय.
या मालिकेवर प्रेक्षक जितकं प्रेम करतात, तितकेच प्रेम मालिकेतील पात्रांवर करत असून अल्पावधीत मालिकेने एक वेगळी उंची गाठलेली आहे. या मालिकेचे आज ३०० भाग पूर्ण होत आहे. त्यानिमित्ताने मालिकेची मुख्य नायिका अश्विनी म्हणजेच अभिनेत्री दीपा परब हिने रील पोस्ट करत प्रेक्षकांचे आभार मानले आहेत. (tu chal pudha 300th episode)
पहा दीपा परबची ही रील (deepa parab reel on tu chal pudha 300th episode)
अभिनेत्री दीपा परब हिने आपल्या इंस्टाग्राम अकाउंटवर एक रील पोस्ट केला आहे, यामध्ये तिने मालिकेतील आपल्या प्रवासाबद्दलच्या काही आठवणी व फॅन मोमेंट्सचा कोलाज केला आहे. या रीलला दीपाने कॅप्शन देत प्रेक्षकांचे आभार मानले, ती म्हणाली, “आज ‘तू चाल पुढं’ मालिकेचे ३०० भाग पूर्ण होणार आहेत. गृहिणी म्हणून सुरू झालेल्या अश्विनीच्या या संपूर्ण प्रवासाचे तुम्ही साक्षीदार आहात… तिच्या प्रत्येक सुख-दुःखात तिच्या पाठीशी आहात… तुमचे हे प्रेम आणि आशीर्वाद सदैव असेच पाठीशी राहू देत हीच ईश्वरचरणी प्रार्थना.”
दीपाच्या या पोस्टला अभिनेत्री सुकन्या मोने यांनी कमेंट करून तिचे अभिनंदन केले. त्याचबरोबर चाहते व प्रेक्षकांनी रीलला भरभरून प्रेम दिलंय. (deepa parab)
