‘तुला शिकवीन चांगलाच धडा’ या मालिकेला प्रेक्षक भरभरुन प्रतिसाद देताना दिसत आहेत. अल्पावधीतच या मालिकेला प्रेक्षक पसंती दर्शवित आहेत. मालिकेत सध्या अधिपती व अक्षरा यांच्यात प्रेम फुलताना पाहायला मिळत आहे. अधिपती व अक्षरा यांच्यातील फुलत जाणार प्रेम पाहणं प्रेक्षकांनाही रंजक ठरत आहे. दरम्यान, भुवनेश्वरीचा विरोध सारं चित्र बदलवताना दिसत आहे. अधिपती ही भूमिका मालिकेत अभिनेता हृषीकेश शेलार साकारत आहे. हृषीकेशने याआधी अनेक मालिकांमध्ये महत्त्वपूर्ण भूमिका साकारली आहे. (Hrishikesh Shelar Wedding Photo)
हृषीकेशच्या अधिपती या भूमिकेमुळे त्याला खऱ्या अर्थाने लोकप्रियता मिळाली आहे. याशिवाय हृषीकेश ‘सुंदरा मनामध्ये भरली’ या मालिकेतही महत्त्वाच्या भूमिकेत दिसला होता. हृषीकेशने आजवर अनेक मराठी मालिकांमध्ये भूमिका साकारत प्रेक्षकांच्या मनावर अधिराज्य गाजवलं आहे. सोशल मीडियावरही हृषीकेश बऱ्यापैकी सक्रिय असतो. नेहमीच तो काही ना काही शेअर करत चाहत्यांच्या संपर्कात राहत असतो. विशेषतः अधिपती त्याच्या वैयक्तिक आयुष्यामुळे चर्चेत असतो.
हृषीकेश नेहमीच त्याच्या कुटुंबाबरोबरचे फोटो शेअर करताना दिसतो. हृषीकेश व स्नेहाच्या लग्नाला सात वर्ष झाली आहेत. हृषीकेशच्या पत्नीचे नाव स्नेहा काटे शेलार असे आहे. हृषिकेशची पत्नी स्नेहा ही देखील एक उत्तम अभिनेत्री आहे. दोघांच्या लग्नाचीही बरीच चर्चा सोशल मीडियावर रंगलेली पाहायला मिळाली. दोघांनी अत्यंत साधेपणाने लग्नसोहळा उरकला. पारंपरिक अंदाजात ही जोडी विवाहबंधनात अडकली. हृषिकेश व स्नेहा यांच्या लग्नाची चर्चाही रंगलेली पाहायला मिळाली. स्नेहा काटे ही अभिनयाच्या माध्यमातून रसिकांच्या मनावर अधिराज्य गाजवत असतानाच अभिनेता हृषीकेश शेलारसह लग्नबंधनात अडकली.
गेल्यावर्षी ही जोडी पुन्हा एकदा चर्चेत आलेली पाहायला मिळाली. हृषीकेश व स्नेहाने मागील वर्षी चाहत्यांशी गुडन्यूज शेअर केली. दोघांनी आई-बाबा झाल्याची आनंदाची बातमी दिली. त्यांच्या लेकीचं नाव रुही असे आहे. स्नेहाने ‘स्वराज्य जननी जिजामाता’, ‘एक महानायक डॉ. बी. आर. आंबेडकर’ या मालिकांमधून आपल्या अभिनयाची छाप प्रेक्षकांच्या मनावर पाडली आहे.