shivani naik amit rekhi engagement : मराठी मालिका विश्वातून नुकतीच एक सुखद धक्का देणारी बातमी समोर आली आहे. ‘अप्पी आमची कलेक्टर’ या लोकप्रिय मालिकेतून घराघरात पोहोचलेली अभिनेत्री म्हणजे शिवानी नाईक म्हणजे सर्वांची लोकप्रिय अप्पी लवकरच लग्नबंधनात अडकणार आहे आणि अप्पीला तिच्या खऱ्या आयुष्यातील अर्जुन भेटला आहे. आणि हा तिच्या खऱ्या आयुष्यातील अर्जुन म्हणजेच अभिनेता अमित रेखी असून हा देखील अभिनय क्षेत्रात बऱ्यापैकी सक्रिय आहे. अखेर शिवानी आणि अमित लवकरच लग्न बंधनात अडकणार आहेत आणि त्यांच्या साखरपुड्याच्या विधींना सुरुवात झाली असल्याच समोर आलं आहे.
‘इट्स मज्जा मराठी’ ने अमित आणि शिवानी यांचा साखरपुड्यातील एक्सक्लुझिव्ह लूक त्यांच्या इंस्टाग्राम अकाउंटवर शेअर केला आहे. यामध्ये शिवानी आणि अमित वेगळ्याच पारंपारिक अंदाजात खूपच सुंदर दिसत आहेत. शिवानीने लाल रंगाची साडी नेसली असून त्यावर असलेल्या गोल्डन काठाने तिच्या लूकमध्ये अधिकच भर घातली आहे. तर शिवानीने परिधान केलेल्या ब्लाऊज वरील सुंदर अशा स्त्रीच्या चित्राने लक्ष वेधलं आहे. तसेच शिवानीने घेतलेल्या शेला हा मोगऱ्याच्या वेलीचा असल्याने तिच्यावर खूपच सुंदर दिसतोय.
आणखी वाचा – अर्चना पूरण सिंहच्या कमाईवर पतीचा मोठा खुलासा, म्हणाला, “टीव्ही-फिल्म्सपेक्षा युट्युब व्लॉग्समधून ती…”
तर अमितने पांढऱ्या रंगाचा कुर्ता आणि पायजमा परिधान केला आहे. या लूकमध्ये अमित खूपच सिंपल दिसतोय. दोघेही हातात हात घालून एकमेकांसह व्हिडीओ शूट करताना दिसत आहेत. साखरपुड्याच्या विधीसाठी दोघेही सज्ज असल्याच पाहायला मिळत असून ते खूप खुश दिसत आहेत. आता लवकरच ही जोडी केव्हा लग्नबंधनात अडकणार याकडे साऱ्यांच्या नजरा लागून राहिल्या आहेत.
शिवानी नाईक ‘अप्पी आमची कलेक्टर’ या मालिकेमुळे घराघरात पोहोचली. तर अमित ‘भाग्य दिले तू मला’ या मालिकेमुळे प्रेक्षकांच्या पसंती उतरला.
