archana puran singh income : परमीत सेठ आणि अर्चना पूरण सिंग त्यांच्या व्लॉग्सने नेहमीच खूप चर्चेत असतात. जेव्हा अर्चनाने कोविड दरम्यान इन्स्टाग्रामवर मजेदार व्हिडीओ शेअर करण्यास सुरुवात केली तेव्हा ते व्हायरल झाले, त्यानंतर अभिनेत्रीने पती परमीत आणि दोन मुलांसह स्वतःचे यूट्यूब चॅनल सुरु केले. अर्चना, परमीत सेठी आणि त्यांच्या मुलांचे व्लॉग साऱ्यांना खूप आवडले आहेत आणि व्हायरल देखील आहेत. अर्चना आणि परमीत यांच्या YouTube चॅनलवर सध्या ९,९१,००० सदस्य आहेत. परमीत सेठीने अलीकडेच यूट्यूब व्लॉग्सच्या कमाईबद्दल थेट खुलासा केला.
परमीत सेठी म्हणाले की, “कोणीही चित्रपट आणि टीव्हीपेक्षा युट्युबवरुन तिप्पट कमाई करु शकतो”. अलीकडेच ‘पिंकविला’शी बोलताना त्याने सांगितले की, व्लॉगिंगला पूर्णवेळ करिअर मानले तर ते कमाईच्या बाबतीत चांगले सिद्ध होऊ शकते. परमीत सेठी म्हणाले, “जर आपण व्लॉगिंगला पूर्णवेळ करिअर केले तर ते आपल्याला चित्रपट आणि टीव्हीपेक्षा तिप्पट पैसे देऊ शकते. तथापि, व्लॉगिंगमध्येही अनेक आव्हाने आहेत. OTT प्लॅटफॉर्म टीव्ही बदलण्याचा प्रयत्न करत आहेत आणि असे करण्यासाठी ते त्यांचे मानक कमी करत आहेत. यामुळे मला आनंद होत नाही. तथापि, काही अपवाद आहेत”.
आणखी वाचा – सुप्रसिद्ध हॉलिवूड अभिनेत्रीचे वयाच्या २३व्या वर्षी निधन, ‘या’ गंभीर आजाराने गमावला जीव
जेव्हा परमीत सेठी यांना टीव्हीच्या युगाचा अंत जवळ आला आहे असे वाटते का असे विचारले असता ते म्हणाले, “बातम्या आणि लाइव्ह स्पोर्ट्स वगळता टीव्ही भविष्यात संपुष्टात येऊ शकतो कारण इतर सर्व काही OTT वर पाहता येईल”. परमीत सेठीच्या एकूण संपत्तीबद्दल बोलायचे झाले तर, त्याबद्दल कोणतीही माहिती मिळालेली नाही. मात्र, तो चित्रपट आणि मालिकांमधून भरपूर कमाई करतो. तर अर्चना पूरण सिंग यांची एकूण संपत्ती २३५ कोटी रुपये आहे. कपिल शर्माच्या शोशिवाय ती चित्रपटांमधून करोडोंची कमाई करते.
