स्टार प्रवाह वाहिनीवरील ‘ठरलं तर मग’ या लोकप्रिय मालिकेमधून प्रेक्षकांच्या भेटीला येणारी अभिनेत्री म्हणजे जुई गडकरी. जुईने आपल्या सोज्वळ अभिनयाने व निरागस सौंदर्याने प्रेक्षकांची मनं जिंकली आहेत. जुईने याआधी ‘श्रीमंत पेशवा बाजीराव मस्तानी’, ‘माझिया प्रियाला प्रीत कळेना’, ‘तुजविण सख्या रे’ अशा मालिकांमध्ये काम केले आहे. मात्र ‘पुढचं पाऊल’ या मालिकेतून चांगलीच प्रसिद्धी झोतात आली आणि आता ‘ठरलं तर मग’ या मालिकेत जुई मुख्य भूमिकेतून प्रेक्षकांचे मनोरंजन करत आहे. (Jui Gadkari On Instagram)
जुई गडकरी ही सोशल मीडियावर चांगलीच सक्रिय असते. सोशल मीडियावर ती तिचे अनेक फोटो व व्हिडीओ शेअर करत असते. तिच्या फोटो व व्हिडीओला चाहत्यांकडूनदेखील पसंती मिळते. अशातच अभिनेत्रीने केलेल्या एका पोस्टमुळे तिने नेटकऱ्यांचे लक्ष वेधून घेतले आहे. जुईने तिच्या इन्स्टाग्राम स्टोरीद्वारे एक विचार शेअर केला असून जुईची ही पोस्ट सध्या चांगलीच चर्चेत आहे.
आणखी वाचा – येत्या आठवड्यात ओटीटीवर मनोरंजनाचा धमाका, पाहता येणार ‘हे’ नवीन चित्रपट आणि वेबसीरिज, पाहा संपूर्ण यादी
जुईने तिच्या इन्स्टाग्राम स्टोरीद्वारे असे म्हटले आहे की, “दुसऱ्याचं वाईट चिंतण्यापेक्षा स्वत:ची सुधारणा केली. स्वत:च्या प्रगतीकडे लक्ष दिलं तर खूप सकारात्मक बदल होतात. त्यामुळे आपली शक्ती कुठे लावायची हे नीट ठरवायला पाहिजे.” जुई नेहमीच तिच्या सोशल मीडियाद्वारे काहीना काही शेअर करत असते.
दरम्यान जुईने शेअर केलेली ही पोस्ट सध्या साऱ्यांचेच लक्ष वेधून घेत आहे. अशातच ही पोस्ट जुईने नेमकी का व कशासाठी शेअर केली आहे. तसेच या पोस्टद्वारे तिने नक्की कुणावर निशाणा साधला आहे, याबद्दल अनेकांना प्रश्न पडला आहे.