‘ठरलं तर मग’ मालिकेच्या आजच्या भागात असे पाहायला मिळणार आहे की, अर्जुनला प्रियाच लाईव्ह लोकेशन रविराजच्या घराजवळच दाखवत असल्याचं पोलीस सांगतात. इकडे साक्षी प्रचंड घाबरलेली असते. आता मला जन्मठेप होणार नाहीतर फाशी ही भीती तिच्या मनात असते. इकडे सायली तन्वीला शोधण्यासाठी बाहेर पडते. आउट हाऊसमध्ये प्रिया म्हणजेच तन्वी चक्कर येऊन पडलेली असते. तितक्यात सगळे तिथे जमतात. सगळे तन्वीला घरात घेऊन येतात. रविराज सायलीचे आभार मानतो. (Tharal Tar Mag Serial Update)
तन्वी नाटक करत सगळ्यांची माफी मागते. तन्वीने अर्जुनला विलास खुनाच्या कबुलीचा व्हिडीओ न पाठवता फक्त माफी मागण्याचा व्हिडीओ पाठवला असल्याचं नागराजला समजतं दुसऱ्या दिवशी सायली – अर्जुन प्रिया म्हणजेच तन्वीबद्दल बोलत असतात. इकडे प्रिया महीपत- साक्षीच्या घरी येते व ऑर्डर सोडत असते. दुसरीकडे पूर्णा आजी शांत असल्यामुळे सायली – कल्पना पूर्णा आजीला समजावण्याचा प्रयत्न करतात.
अर्जुन खाली येऊन तन्वी आणि अस्मिताच्या वागण्याला पूर्णा आजी जबाबदार आहे असं म्हणतो. सायली-कल्पना अर्जुनला समजावण्याचा प्रयत्न करतात. त्यानंतर अर्जुन काल रात्री तन्वीने आत्महत्या करण्याचा व्हिडीओ पाठवल्याच सांगतो. हे ऐकून पूर्णा आजीला धक्का बसतो. अर्जुन रागात पूर्णा आजी बरोबर बोलणार नसल्याचं सांगत ऑफिसला निघून जातो. अर्जुनच्या बोलण्यामुळे पूर्णा आजीला वाईट वाटतं.
मालिकेच्या पुढील भागात असं पाहायला मिळणार आहे की, पूर्णा आजी व सायली अर्जुनने पूर्णा आजींशी बोलावं यासाठी प्लान तयार करतात. आता हा प्लॅन यशस्वी होणार का हे पाहणं मालिकेत रंजक ठरेल