Tejaswini Lonari Wedding : मराठी मनोरंजनसृष्टीतील लोकप्रिय अभिनेत्री तेजस्विनी लोणारी नेहमीच तिच्या स्टाइल आणि मोहक व्यक्तिमत्त्वामुळे चर्चेत असते. मुंबईतील पंचतारांकित हॉटेलमध्ये ४ डिसेंबर रोजी तेजस्विनी लोणारी आणि समाधान सरवणकर यांचा विवाहसोहळा थाटामाटात पार पडला. तिच्या लग्नसोहळ्याचे फोटो सोशल मीडियावर चांगलेच व्हायरल झाले. तेजस्विनीच्या पारंपरिक आणि रॉयल अंदाजाने चाहत्यांना भुरळ घातली. विशेषत: तिने नेसलेली लाल पैठणी, दागिन्यांचा भारदस्त थाट आणि ब्लाऊजवर कोरलेले समाधान सरवणकर यांचे नाव या सर्व गोष्टींनी तिच्या लूकने सर्वांचं लक्ष वेधलं.
दरम्यान नुकताच तेजस्विनी आणि सदा सरवणकर यांच्या रिसेप्शनचा व्हिडीओ समोर आला. रिसेप्शन दरम्यान तेजस्विनी आणि तिचा पती सदा सरवणकर यांनी ग्रँड एंट्री केली. तसेच तेजस्विनीच्या रिसेप्शन लूकने देखील विशेष लक्ष वेधून घेतलं. लाल रंगाचा भरजरी लेहेंगा त्यावर गोल्डन ज्वेलरी तेजस्विनीने परिधान केली असून तिचा हा रॉयल लूक विशेष पसंतीस उतरत आहे. तर सदा सरवणकर यांनी काळ्या रंगाची सुंदर अशी शेरवानी परिधान केली होती. रिसेप्शनमधील त्यांची ग्रँड एन्ट्री चाहत्यांच्या खास पसंतीस उतरली.
आणखी वाचा: शुभमंगल सावधान! तेजस्विनी झाली सरवणकरांची सून; लग्नातील पहिला फोटो समोर
तर २६ ऑक्टोबर रोजी शिवसेना युवा नेते समाधान सरवणकर यांच्यासोबत तेजस्विनी लोणारीचा साखरपुडा पार पडला होता. त्यानंतर ४ डिसेंबर रोजी ते दोघे विवाहबंधनात अडकले. दोघांच्या लग्नाची खूप चर्चा झाली. या लग्नात राजकीय पक्षातील अनेक मान्यवर व्यक्ती आणि इंडस्ट्रीतील कलाकार देखील उपस्थित होते. मुख्यमंत्री देवेंद्र फडणवीस यांनीही लग्नाला हजेरी लावली होती.
