Tejaswini Lonari Wedding : मराठी कलाविश्वात गेल्या अनेक दिवसांपासून बरेच कलाकार लग्नबंधनात अडकताना दिसले. सोहम बांदेकर आणि पूजा बिरारी यांचा विवाह सोहळा नुकताच पार पडला. त्याचबरोबर सुरज चव्हाण देखील लग्नबंधनात अडकला. त्याचे अनेक फोटो आणि व्हिडीओ सोशल मीडियावर व्हायरल होताना दिसले. अशातच आता आणखी एक अभिनेत्री लग्नबंधनात अडकली आहे. ती अभिनेत्री म्हणजे तेजस्विनी लोणारी.
नुकताच तेजस्विनीचा विवाह सोहळा पार पडला असून तिच्या लग्नाचा पहिला फोटो समोर आला आहे. शिवसेना नेते सदा सरवणकर यांचे सुपूत्र आणि युवानेते समाधान सरवणकर यांच्याशी तेजस्विनीने लग्नगाठ बांधली आहे. मुंबईत तेजस्विनी आणि समधान यांचा लग्नसोहळा थाटामाटात पार पडला. यावेळी अभिनेत्रीने गुलाबी रंगाची भरजरी साडी नेसली होती. या साडीवर साजेसा असा लूक तिनं केला होता. तर समाधान सरवणकर यांनी पांढऱ्या रंगाची शेरवानी परिधान केली होती.
मुंबईतील सहारा हॉटेलमध्ये त्यांचा लग्नसोहळा पार पडला आहे. तेजस्विनी-समाधान यांच्या नव्या प्रवासाची सुरुवात झाली आहे. तेजस्विनी-समाधान यांच्यावर सध्या कलाविश्वातून आणि चाहत्यांकडून शुभेच्छांचा वर्षाव होत आहे. ऑक्टोबर महिन्यात तेजस्विनी आणि समाधान यांचा साखरपुडा पार पडला होता. साखरपुड्याचे फोटो बरेच व्हायरल झाले होते. त्यानंतर आता दोन महिन्यांनी तेजस्विनी लग्नबंधनात अकडली आहे. अभिनेत्री तेजस्विनी आता सरवणकरांची सून झाली आहे. दरम्यान, तेजस्विनीच्या कामाबद्दल सांगायचं झाल्यास तिने अनेक मालिका आणि चित्रपटांमधून प्रेक्षकांचं मनोरंजन केलं आहे.
