‘तारक मेहता का उल्टा चष्मा’ या मालिकेतील दोन कलाकार सध्या चर्चेत आले आहेत. मालिकेत बबिता आणि टप्पू या भूमिका साकारणारे कलाकार सध्या चर्चेत आले आहेत. मालिकेत टप्पूची भूमिका साकारणारा अभिनेता राज अनाडकट आणि अभिनेत्री मुनमुन दत्ता यांचं अफेअर सुरु असल्याच्या चर्चा बऱ्याच दिवसांपासून सुरु होत्या. त्यानंतर दोघांनी थेट साखरपुडा केला असल्याची अफवा वाऱ्यासारखी पसरली. सगळीकडे या दोघांच्या बातमीने गोंधळ उडाला. दरम्यान मुनमुन दत्ताने स्वतः पुढे येऊन या अफवांचे खंडन केले. (Munmun Datta Post)
मुनमुन सध्या न्यूयॉर्कमध्ये आहे आणि तिथे ती तिचे उत्तम आयुष्य जगत आहे. न्यूयॉर्कमधील काही फोटोशूटचे फोटो तिने सोशल मीडियावर शेअर करत या चर्चांना पूर्णविराम दिला आहे. मुनमुन दत्ताने न्यूयॉर्कमधील ब्रुकलिन ब्रिजवर फोटोशूट केले आहे. हे फोटो शेअर करत तिने कॅप्शनमध्ये लिहिले आहे की, “मी माझे सर्वोत्तम आयुष्य जगत आहे. माझ्या न्यूयॉर्क प्रवासातील हे खास फोटोशूट शेअर करत आहे”. मुनमुनने ‘इटाइम्स टीव्ही’ला मुलाखत दिली. यावेळी बोलताना ती म्हणाली, “या बातम्या केवळ अफवा आहेत. या बातम्यांमध्ये अजिबात तथ्य नाही. आणि मला अशा बातम्यांवर पुन्हा पुन्हा ऊर्जा वाया घालवायची नाही”.
काल १३ मार्चच्या दुपारी एका वृत्तवाहिनीने असा दावा केला होता की, बबिता जी आणि टप्पू म्हणजेच मुनमुन व राज यांनी गुपचूप साखरपुडा केला. यानंतर इंटरनेटवर खळबळ उडाली होती. दोघांनी गुजरातमधील वडोदरा येथे कुटुंबीयांच्या उपस्थितीत त्यांनी हा साखरपुडा उरकला असल्याचंही समोर आलं. मात्र या चर्चा खोट्या असल्याचं सांगत मुनमुन व राज यांनी सांगितलं.
‘तारक मेहता का उल्टा चष्मा’मध्ये जेठालालची भूमिका अभिनेते दिलीप जोशी साकारत आहेत. त्यांनी आपल्या दमदार अभिनयाने त्यांनी हे पात्र घराघरात प्रसिद्ध केले. या शोमध्ये विवाहित जेठालाल यांची बबिता जी क्रश आहे. दरम्यान जेठालालचा मुलगा टप्पूबरोबर तिच्या लग्नाची बातमी आली तेव्हा बहुतेक लोकांनी जेठालालचा उल्लेख केला.
