राखी सावंतचा पूर्वाश्रमीचा पती पती आदिल खाल दुर्रानी त्याच्या दुसऱ्या लग्नामुळे चर्चेत आला आहे. ३ मार्च रोजी त्याने सोमी खानसह लग्न केले. याबाबतची अधिकृत माहिती त्याने त्याच्या लग्नाचे फोटो शेअर करत सोशल मीडियावरुन दिली. आदिलने गुपचूप लग्न केले कारण त्याला कोणत्याही प्रकारची नकारात्मकता त्याच्या भोवती नको होती. लग्नानंतर आदिल व सोमी खानबरोबर खुश असल्याचे दिसत आहे. राखीबरोबरच्या लग्नाबाबत आदिलने नुकत्याच दिलेल्या मुलाखतीत भाष्य केलं आहे. (Adil Khan Durrani On Rakhi Sawant)
आदिल खान दुर्रानी व त्याची पत्नी सोमी खान यांनी अलीकडेच ‘इटाइम्स टीव्ही’शी संवाद साधला आणि त्यांच्या लग्नाव्यतिरिक्त राखी सावंतबरोबरच्या त्यांच्या नात्याबद्दलही भाष्य केलं. यावेळी बोलताना आदिलने राखी सावंतवर नकारात्मकता पसरवल्याचा आरोपही केला. आदिलने सांगितले की, “माझ्याबरोबर असूनही राखी आधीच विवाहित होती, यासंदर्भात खटला सुरु आहे”.
आदिल म्हणाला, “जर तुम्ही माझ्या आणि राखी सावंतच्या लग्नाबद्दल बोललात तर ते पूर्णपणे अमान्य आहे कारण जेव्हा आम्ही लग्न केले तेव्हा ती आधीच विवाहित होती. तिने दुसऱ्याशी लग्न केले होते. मला फसवून तिने हे कृत्य केले. याबाबत न्यायालयात खटला सुरु आहे. अनेकांच्या मनात हा प्रश्न होता की मी दुसरे लग्न कसे केले? मला पुनर्विवाह करण्याचा पूर्ण अधिकार आहे कारण मी मुस्लिम आहे आणि लग्न करु शकतो. घरच्यांच्या उपस्थितीत माझे लग्न व्यवस्थित पार पडले. मी गुपचूप लग्न केले नाही. सोमी आणि माझ्या कुटुंबीयांच्या मान्यतेने मी या नात्याला योग्य तो न्याय दिला आहे. मी रिसेप्शन पण केले आहे. सोमीशी अधिकृतपणे लग्न केल्यानंतर मी माझी पत्नी सोमीबरोबर फिरत आहे. मला लग्न करण्याची परवानगी आहे”.
आदिलने सांगितले की, “कोणत्याही प्रकारची नकारात्मकता टाळण्यासाठी त्याने लग्नाबद्दल कोणालाही सांगितले नाही. आम्ही ठरवले होते की, जोपर्यंत लग्न होत नाही, तोपर्यंत कोणतीच घोषणा करणार नाही. खूप नकारात्मकता होती. त्यामुळे लग्नात कोणताही अडथळा येऊ नये असे आम्हाला वाटत होते. मला सोमीबद्दल थोडीशीही नकारात्मकता आणायची नव्हती”. राखी सावंतबद्दल आदिल म्हणाला की, “ती नकारात्मकता पसरवत आहे आणि ती आयुष्यात कोणालाही आनंद देऊ शकत नाही. मला तिच्याबद्दल सर्व माहिती आहे. ती जे काही बोलत आहे, ते करत आहे. तिने माझ्याबरोबर खूप वाईट गोष्टी केल्या आहेत आणि आता मी चांगले आयुष्य जगत आहे. मला माहित नव्हते की वाईट भूतकाळानंतर, मला इतक्या लवकर इतका चांगला जोडीदार मिळेल”, असंही तो म्हणाला.
