Jennifer Mistry Allegations on Asit Modi : २०२३ मध्ये, ‘तारक मेहता का उल्टा चश्मा’च्या मिसेस सोडीने म्हणजे जेनिफर मिस्त्री बनसवाल यांनी या शोचे निर्माते असित मोदींविरुद्ध गंभीर आरोप केले. जेनिफर मिस्त्रीने अचानक हा कार्यक्रम सोडला आणि शोच्या निर्मात्यावर लैंगिक छळ केल्याचा आरोप केला. आता तिने एका मुलाखतीत हा आरोप लावण्याचे कारणही दिले आहे. असित मोदी अभिनेत्रीवर कोणत्या प्रकारच्या टिप्पण्या करायचे याबाबतचा खुलासा तिने माध्यमांसमोर केला आहे. जेनिफर मिस्त्री यांनी ‘पिंकविला’शी झालेल्या संभाषणात सांगितले की, सन २०१८ मध्ये जेव्हा ‘तारक मेहता…’च्या ‘ऑपरेशन हेड सोहेल रामनी यांनी अत्याचार केला, तिचा गैरवापर केला, तेव्हा ती निर्माता असित मोदी यांच्याकडे मदतीसाठी विचारणा करायला गेली.
जेनिफरने असा दावा केला की सोहेल रामनीने तिला फोनवर अत्याचार केले, आणि यावेळी तिनेअसित मोदींना मदत करण्यास सांगितले. जेनिफरने सांगितले, “मी सोहेलबद्दल बोलण्यासाठी आसितजीकडे गेली त्यावेळी त्यांनी मला सांगितले की तू खूप सेक्सी दिसत आहेस”. ‘तारक मेहता का उल्टा चश्मा’ च्या शूटसाठी जेव्हा ती सिंगापूरला गेली तेव्हा जेनिफरने २०१९ ची एक भयानक घटना सांगली. जेनिफरच्या म्हणण्यानुसार, ८ मार्च २०१९ रोजी असित मोदी तिच्याकडे आले आणि म्हणाले, “तुमची रूममेट दररोज बाहेर जाते तेव्हा तू माझ्या खोलीत व्हिस्की प्यायला का येत नाहीस?, तुला एकटीला कंटाळाही येणार नाही”.
जेनिफर मिस्त्री यांनी स्वित्झर्लंडच्या सहलीसाठी व्हिसा पत्र शोधले तेव्हाची अशी आणखी एक घटना सांगली. फोनवर असित मोदींशी बोलताना जेनिफर मिस्त्री रडत होती. जेनिफरने असा दावा केला की असित नंतर तिला फोनवर म्हणाला, “तुम्ही का रडत आहात? आपण माझ्यासमोर असता तर आपण मिठी मारली असती. मी एक संधी घेईन. पण तुला माझी काळजी नाही”. हे प्रकरण येथे संपले नाही. जेनिफर मिस्त्री यांनी कॉफी शॉपमध्ये असताना सिंगापूरची आणखी एक घटना सांगली. असित मोदी तिथे आले आणि जेनिफरला म्हणाले, “तुझे ओठ खूप सेक्सी आहेत. मला तुला पकडून किस करावेसे वाटते”.
जेनिफरने सांगितले की असित मोदीचे हे बोलणे ऐकल्यानंतर ती पूर्णपणे सुन्न झाली आणि घाबरली. नंतर जेनिफर मिस्त्री यांनी असित मोदींविरुद्ध एक खटला दाखल केला, ज्यामध्ये जेनिफरने विजय मिळविला. कोर्टाने असित मोदींना केवळ जेनिफर मिस्त्रीची थकबाकी देण्याचे आदेश दिले नाहीत. तर पाच लाख रुपये दंड भरावा असंही म्हटलं. जेव्हा जेनिफरला पोलिसांकडे तक्रार केल्यावर मदत मिळाली नाही, तेव्हा तिने महाराष्ट्र सरकारची मदत मागितली. त्यानंतर सरकारने स्थानिक तक्रार समितीची स्थापना केली, ज्यामुळे हा निर्णय फेब्रुवारी २०२४ मध्येच झाला. त्यानंतर असित मोदींना कामाच्या ठिकाणी महिलांच्या लैंगिक छळासाठी दोषी ठरवले गेले.
