लहान पडद्यावरील ‘तारक मेहता का उलटा चष्मा’ या मालिकेच्या माध्यमातून अनेक कलाकारांना प्रसिद्धी मिळाली आहे. या मालिकेतील प्रत्येक पात्राने आपली एक वेगळी ओळख निर्माण केली आहे. नुकतेच या मालिकेतील ‘बबिता’ भूमिका साकारणारी मुनमुन दत्ता व ‘टप्पू’ची भूमिका साकरणारा राज अनादकट यांच्या साखरपुड्याचे वृत्त समोर आले होते. पण मुनमुन व राज यांनी स्वतः या वृत्ताचे खंडन केले असून त्यांनी या सर्व अफवा असल्याचे सांगितले आहे. मुनमुनचे वय ३६ वर्ष असून ती अजूनही अविवाहित आहे. तिने आजपर्यंत कधीही आपल्या खासगी आयुष्यावर भाष्य केले नाही. पण आता तिची एक प्रेमकहाणी समोर आली आहे. (Munmun dutta lovestory)
मुनमुन ही अधिक ‘तारक मेहता…’ या मालिकेच्या माध्यमातून अधिक प्रसिद्ध झाली. तसेच तिचे अफेअर बॉलिवूड अभिनेता अरमान कोहलीबरोबर असल्याचे वृत्त समोर आले होते. पण दोघांनीही या वृत्ताला दुजोरा दिला नव्हता. वृत्तानुसार मुनमुन अरमानबरोबर रिलेशनशिपमध्ये होती. दोघेही एकमेकांच्या प्रेमात आकंठ बुडाले होते पण लग्नाबद्दल शक्यता नसल्याने आत्महत्येचा विचारही त्यांनी केला होता.
पण अरमानकडून मानसिक व शारीरिक छळ होत असल्याने मुनमुन त्याच्यापासून होण्याचा निर्णय घेतला. पण याबद्दल कोणतीही अधिकृत माहिती मिळाली नव्हती. तसेच अरमानने तिचे शारीरिक शोषण केल्याचीही माहिती मिळाली होती. त्यानंतर मात्र दोघांमध्ये दुरावा आला आणि दोघंही वेगळे झाले. त्यानंतर मात्र तिच्याबरोबर जे घडलं त्यामुळे तिचा प्रेम व नात्यांवरचा विश्वास उडाला. त्यामुळेच अति अजूनही ती अविवाहित असल्याचे सांगितले जात आहे. तिने अनेक मुलाखतींमध्ये कधीही लग्न करणार नाही असे अनेकदा स्पष्टही केले आहे.
तसेच तिने एका मुलाखतीमध्ये सांगितले होते की, “माझ्या विवाहित मित्र मैत्रिणींचा मला हेवा वाटतो.तसेच माझे अनेक मित्र असे आहेत जे माझ्या सौंदर्याचीही खूप प्रशंसा करतात आणि ते मला खूप आवडतं”. मुनमुनच्या साखरपुड्याच्या वृत्ताने सर्वांनाच आश्चर्याचा धक्का बसला होता. मात्र यामध्ये काहीही तथ्य नसल्याचे जाहीरही करण्यात आले.
