Suraj Chavan Wedding : मराठी मनोरंजनसृष्टीत सध्या लगीनघाईचं वातावरण पाहायला मिळत आहे. अनेक कलाकारांनी आपल्या प्रेमाची कबुली देत लग्नाची वार्ता थेट सोशल मीडियावरून चाहत्यांपर्यंत पोहोचवली आहे. यात ‘बिग बॉस मराठी’च्या पाचव्या पर्वाचा विजेता सुरज चव्हाण याचं नाव सर्वाधिक चर्चेत आहे. गेल्या काही दिवसांपासून सुरज लग्नबंधनात अडकणार असल्याच्या बातम्यांना खूपच चर्चेत होत्या. अखेर तो दिवस आला असून आज म्हणजेच २९ नोव्हेंबर रोजी सुरज चव्हाण आणि त्याची प्रेयसी संजना गोफणे यांचा शुभविवाह संपन्न होणार आहे.
सुरजच्या लग्नाआधीच्या सर्व विधींना मोठ्या उत्साहात सुरुवात झाली. काही दिवसांपूर्वी त्याचा हळदीचा समारंभ जल्लोषात पार पडला. या समारंभाला ‘बिग बॉस मराठी’ पाच मधील सहकलाकार धनंजय पवार (DP) आणि जान्हवी किल्लेकर यांनीही हजेरी लावली. हळदीदरम्यानचा त्यांचा मस्तीने भरलेला संवाद आणि डान्स याचे खास क्षण सध्या सोशल मीडियावर मोठ्या प्रमाणावर व्हायरल होत आहेत.
आणखी वाचा – सूरज चव्हाणला लागली हळद, आई-वडिलांच्या फोटोला नमस्कार करुन केली सुरुवात; घरीच कुटुंबियांसह सेलिब्रेशन
याचदरम्यान, सुरज चव्हाणचा एक भन्नाट व्हिडीओही सध्या इंटरनेटवर धुमाकूळ घालत आहे. या व्हिडीओमध्ये सुरजची मंडपात होणारी ग्रँड एन्ट्री पाहायला मिळते. मोठ्या ब्रँडेड कारमधून स्टायलिश अंदाजात उतरलेला सुरज, हातात फुलांची माळ आणि चेहऱ्यावर तेज घेऊन अगदी सिनेमॅटिक अंदाजात मंडपात प्रवेश करताना दिसतो. उपस्थित मंडळींचा जल्लोष, टाळ्यांचा कडकडाट आणि नवरदेवाच्या चेहऱ्यावरचा आनंद स्पष्टपणे जाणवत आहे.
आणखी वाचा – “मुलगी झाली रे…” सुप्रसिद्ध अभिनेता दुसऱ्यांदा झाला बाबा, गुडन्यूज देत खास पोस्ट शेअर करत म्हणाला…
सुरज चव्हाणच्या लग्नाची पत्रिका देखील सोशल मीडियावर मोठ्या प्रमाणावर व्हायरल झाली आहे. या पत्रिकेनुसार ‘बिग बॉस मराठी’ पाचमधील अनेक कलाकार जसे अभिनेता रितेश देशमुख, अभिनेत्री निकी तांबोळी, अरबाज पटेल यांची उपस्थिती अपेक्षित आहे. तसेच अभिनेता अक्षय कुमारही सुरजच्या विवाह सोहळ्यासाठी उपस्थित राहणार असल्याची चर्चा इंडस्ट्रीत रंगत आहे. सध्या संपूर्ण मराठी मनोरंजनविश्वात सुरज चव्हाणच्या लग्नाचीच चर्चा आहे. त्याच्या विवाहसोहळ्याचे फोटो, व्हिडीओ आणि अपडेट पाहण्यासाठी चाहते उत्सुकतेने सोशल मीडियावर लक्ष ठेवून आहेत.
