Taarak Mehta Ka Ooltah Chashmah : ‘तारक मेहता का उल्टा चष्मा’ या टीव्ही शोमध्ये पत्रकार पोपटलालची भूमिका साकारुन घराघरात प्रसिद्ध झालेला अभिनेता श्याम पाठकला आज ओळखीची गरज नाही. शोमध्ये त्याच्या वधूचा शोध सुरु आहे आणि तो बॅचलर आहे, पण खऱ्या आयुष्यात तो विवाहित आहे आणि तीन मुलांचा बाप आहे. श्याम पाठक यांचा १२ जून रोजी ५४ वा वाढदिवस आहे. यानिमित्ताने त्यांच्या खऱ्या लव्ह लाईफबद्दल आज आपण सविस्तर जाणून घेऊयात.
‘तारक मेहता का उल्टा चष्मा’ ही मालिका गेल्या १८ वर्षांपासून प्रेक्षकांचे मनोरंजन करत आहे. या शोच्या प्रत्येक पात्राने लोकांच्या हृदयात स्वतःची जागा निर्माण केली आहे, त्यातील एक नाव आहे पत्रकार पोपटलाल उर्फ श्याम पाठक. या शोला १८ वर्षे पूर्ण झाली आहेत, पण पत्रकार पोपटलाल अजूनही लग्न करू शकलेले नाहीत. शोमध्ये प्रत्येक वेळी तिचे हृदय तुटते, अनेक वेळा लग्न होणे थांबते. मात्र, खऱ्या आयुष्यात पोपटलाल विवाहित असून त्याला मुले आहेत.
आणखी वाचा – Photo : अनुष्का सरकटे आणि निखिल चव्हाणची लगीनघाई, सहकलाकारांकडून केळवण साजरं, सोशल मीडियावर चर्चा
पत्रकार पोपटलाल यांनी 2003 मध्ये त्यांची वर्गमैत्रीण रश्मी पाठकशी लग्न केले. दोघांची पहिली भेट ‘नॅशनल स्कूल ऑफ ड्रामा’मध्ये झाली. यादरम्यान दोघांमध्ये मैत्री झाली आणि त्यांच्यात जवळीक वाढू लागली. या मैत्रीचे प्रेमात कधी रुपांतर झाले ते कोणालाच कळले नाही. दैनिक भास्करच्या रिपोर्टनुसार, श्याम आणि रश्मीचे कुटुंबीय त्यांच्या लग्नाच्या विरोधात होते. घरच्यांच्या विरोधात जाऊन दोघांनीही एनएसडीच्या शेवटच्या दिवसाच्या एक दिवस आधी आर्य समाज मंदिरात गुपचूप लग्न केले.
श्याम आणि रश्मी यांना तीन मुले आहेत. एक मुलगी नियती आणि दोन मुलगे पार्थ आणि शिवम. ‘तारक मेहता का उल्टा चष्मा’मध्ये दुनिया हिला दुंगा ची भूमिका करणारा पोपटलाल सोशल मीडियावर खूप सक्रिय आहे. तो अनेकदा आपल्या कुटुंबासोबतचे फोटोही शेअर करत असतो. कुटुंबासोबतच्या फोटोंमध्ये श्याम पाठक यांना ओळखणे थोडे कठीण जाईल.
