Suraj Chavan Haladi : ‘बिग बॉस मराठी’ फेम विजेता सूरज चव्हाणची लगीनघाई सुरु असलेली पाहायला मिळत आहे. २९ नोव्हेंबरला सूरज लग्नबंधनात अडकणार आहे. सूरजच्या लग्नाआधीची धामधूम पाहायला मिळाली. त्याच्या प्री-वेडिंगचेही फोटो समोर आले. दोघांनी पुण्यात एका स्टुडिओत हे शूट केले. त्याच्या फोटोंना युजर्सनी खूप पसंती दिली. यानंतर सूरज आणि त्याची पत्नी संजना यांचा मेहंदी सोहळा पार पडला. लग्नासाठी संजनाने हातावर खूपच सुंदर मेहंदी काढून घेतली. तर सूरजनेही त्याच्या हातावर मेहंदी काढली. सोशल मीडियावर सूरज आणि संजना यांच्या लग्नाची चर्चा सुरु असतानाच त्याच्या हळदी समारंभाचे खास क्षणही समोर आले.
अखेर सूरजला हळद लागली असल्याचा व्हिडीओ समोर आला. त्याच्या लग्नाचा घाना भरतानाचा व्हिडीओही समोर आला. आई-वडिलांच्या फोटोचे स्मरण करुन सूरज हळदीसाठी तयार झाला. यावेळी त्याच्या सगळ्या बहिणी उपस्थित होत्या. भावाच्या लग्नासाठी बहिणींचा थाटमाटही पाहायला मिळाला. सूरजच्या नव्या घरात त्याचा हळदी समारंभ पार पडला. सध्या सूरजच्या हळदी समारंभाचे व्हिडीओ सोशल मीडियावर व्हायरल होत आहेत. उद्या म्हणजेच २९ नोव्हेंबर रोजी सूरज व संजना यांचा लग्नसोहळा पार पडणार आहे.
आणखी वाचा – “मुलगी झाली रे…” सुप्रसिद्ध अभिनेता दुसऱ्यांदा झाला बाबा, गुडन्यूज देत खास पोस्ट शेअर करत म्हणाला…
लग्नाच्या चर्चांदरम्यान सूरजची लग्नपत्रिका सुद्धा व्हायरल झाली. त्या पत्रिकेमध्ये प्रमुख उपस्थित व्यक्तींची नावं आता चर्चेत आहेत. सूरज चव्हाणच लग्न एक मोठा इव्हेंट असल्याचे वाटते कारण या लग्नात केवळ मराठी सेलिब्रिटीच नव्हे तर बॉलीवूड दिग्गजांची सुद्धा उपस्थिती लागणार आहे.
