एकीकडे आज आनंदाचे वातावरण असताना दाक्षिणात्य सिनेसृष्टीतून एक धक्कादायक बातमी समोर आली आहे. प्रसिद्ध तमिळ अभिनेता व संगीतकार विजय अँटोनीची मुलगी मीरा हिने गळफास घेत आत्महत्या केली आहे. ती १६ वर्षाची होती. तिच्या जाण्याने अभिनेत्याच्या कुटुंबावर दुःखाचा डोंगर कोसळला आहे. (South actor Vijay Antony daughter Suicide)
स्थानिक माध्यमांच्या माहितीनुसार असं समोर आलं की, अभिनेता विजय अँटोनीची मुलगी मीरा तिच्या चेन्नईतील राहत्या घरात पहाटेच्या सुमारास गळफास घेतलेल्या अवस्थेत आढळली. या घटनेननंतर तिला त्वरित एका खासगी रुग्णालयात नेण्यात आलं, मात्र त्याआधीच तिचा मृत्यू झाल्याचे तपासणी करणाऱ्या डॉक्टरांनी सांगितले. मीरा चेन्नईतील एका प्रसिद्ध शाळेत शिकत होती. दरम्यान, ती गेल्या अनेक दिवसांपासून मानसिक तणावाखाली असून तिच्यावर उपचारदेखील सुरू असल्याची माहिती समोर येत आहे.
हे देखील वाचा – अभिनेते नसीरुद्दीन शाह यांच्या ‘त्या’ वक्तव्यावर ‘द केरला स्टोरी’च्या दिग्दर्शकांनी व्यक्त केलं मत, म्हणाले, “चित्रपट न बघताच…”
अभिनेता व संगीतकार असलेला विजय अँटोनी तमिळ सिनेसृष्टीतील प्रसिद्ध चेहरा म्हणून ओळखला जातो. अभिनेत्याला फतिमा नावाची पत्नी असून ती स्वतःचे प्रोडक्शन हाऊस सांभाळते. या दाम्पत्याला मीरा आणि लारा या दोन मुली असून मुलगी मीराच्या आत्महत्येने अभिनेता व त्याच्या कुटुंबियांना मोठा धक्का बसला आहे.
हे देखील वाचा – Video : अभिनेत्री प्रार्थना बेहेरेच्या घरी झाले गणरायाचे आगमन, मूर्तीभोवती फुलांच्या सुंदर आरासने वेधले लक्ष
विजय अँटोनी सध्या त्याच्या आगामी सिनेमाच्या प्रोजेक्टमध्ये बिझी आहे. तो लवकरच ‘रथम’ हा चित्रपट घेऊन प्रेक्षकांच्या भेटीला येणार आहे. नुकतंच त्याचा चेन्नईमध्ये एक कार्यक्रम पार पडला, ज्याला प्रेक्षकांनी उत्तम प्रतिसाद दिला होता. अभिनय व संगीत दिग्दर्शनाबरोबर निर्माता, एडिटर, ऑडिओ इंजिनीअर सारख्या क्षेत्रातही त्याने नाव कमावलं आहे.