Kunjika Kalwint Welcomes Baby Boy: ‘स्टार प्रवाह’ वाहिनीवरील ‘शुभ विवाह’ ही लोकप्रिय मालिकांपैकी एक मालिका आहे. या मालिकेत अनेक लोकप्रिय कलाकारांच्या भूमिका पाहायला मिळतात. अशातच यातील एक अभिनेत्रीच्या घरी चिमुकल्या पाहुण्याचं आगमन झालं आहे. ही आनंदाची बातमी तिने सोशल मीडियावर शेअर करत दिली आहे. ‘शुभविवाह’ या मालिकेत ‘पूर्णिमाची’ भूमिका साकारणारी अभिनेत्री कुंजिका काळविंट हिला खरंतर महिन्याभरापूर्वीच पुत्ररत्नाची प्राप्ती झाली. मात्र तिने ही आनंदाची बातमी बाळाच्या जन्माला एक महिना पूर्ण झाल्यावर शेअर केली आहे.
सोशल मीडियावर तिने एक पोस्ट शेअर केली आहे, ज्यात कुंजिका आणि तिच्या पतीने आपल्या बाळाचा चिमुकला हात हातात घेतलेला एक सुरेख फोटो पोस्ट केला आहे. करत कुंजिकाने लिहिलं, “अगदी एक महिन्यापूर्वी, जेव्हा आम्ही आमच्या सुंदर बाळाचे जगात स्वागत केले. गेले चार आठवडे रात्रीची झोप उडाली असली, तरी मुलाची ती मिठी आणि त्याच्याबद्दलचं प्रेम जगातील इतर कोणत्याही सुखापेक्षा मोठं आहे. पालकत्व हे जादूई आणि तितकंच आव्हानात्मक आहे. आम्ही शिकत आहोत, पुढे जात आहोत आणि आमच्या मुलाच्या आणखीन प्रेमात पडत आहोत. या नवीन अध्यायाबद्दल आणि आमच्या वाढत्या कुटुंबाभोवती असलेल्या सर्व प्रेम आणि पाठिंब्याबद्दल आम्ही खूप आभारी आहोत.” असं लिहीत तिने आपल्या भावना व्यक्त केल्या आहेत. (Kunjika Kalwint Welcomes Baby Boy)
काही महिन्यांपूर्वीच कुंजिकाच्या डोहाळजेवणाचा कार्यक्रम अगदी थाटामाटात पार पडला होता. तर या पोस्टनंतर मराठी कलाविश्वातून तिच्यावर अभिनंदनाचा वर्षाव होत आहे. विशेष म्हणजे अभिनेत्रीने शेअर केलेल्या या फोटोने सर्वांचं लक्ष वेधून घेतलं आहे. काही दिवसांपूर्वीच कतरिना आणि विकी कौशल यांना मुलगा झाला आणि त्यांनी त्यांच्या मुलाचं नाव ‘विहान’ असं ठेवलं. कतरिनाने देखील आपल्या बाळाचा छोटासा हात हातात घेतलेला फोटो शेअर केला होता. कुंजिकाने देखील अशाच प्रकारे आपल्या बाळाचा फोटो शेअर केला आहे. (Kunjika Kalwint Welcomes Baby Boy)
