sheeba chadha Single mother : जगात असे अनेक पालक आहेत जे एकट्याने आपल्याला मुलाबाळांचा सांभाळ करतात. विशेषतः महिला कलाकार मंडळी आपल्या मुलांना सिंगल मदर म्हणून वाढवत असल्याचं अनेकदा कानावर येतं. डिवोर्सनंतर म्हणा वा नवऱ्याचे निधन झाल्यानंतर या महिला त्यांच्या मुलांचा एकट्याने सांभाळ करतात. आणि हो यांत अनेक नामांकित अभिनेत्रींचा समावेश आहे. अशावेळी त्यांना समाजाकडून अनेक टोमणेही खावे लागतात. यादरम्यान आलेल्या अनेक अडचणींचा त्यांनी सामनाही केला. यापैकी एक नाव म्हणजे बॉलिवूड सिनेविश्वात अभिनयाने प्रेक्षकांना वेड लावणारी शिबा चड्ढा.
सिद्धार्थ कन्ननला दिलेल्या मुलाखतीत शिबा यांनी त्यांच्या वैयक्तिक आयुष्याबद्दल भाष्य केलं आहे. या मुलाखतीत शिबा यांनी सध्याच्या काळात मूल जन्माला घालणं का कठीण आहे हे सांगितलं आहे. शिबा म्हणाल्या, “सिंगल आई होणं खूप कठीण आहे. अनेक बाजूंनी हे अवघड असते. काहीही झालं तरी तुम्हाला बाळासाठी त्याक्षणी हजर राहावं लागतं. मी प्रत्येक सिंगल आईचं दुःख समजू शकते. पूर्वी पूर्ण गाव तुमच्या बाळाची काळजी घ्यायचं. परंतु, कुटुंब छोटं होत गेलं तशी समस्या आणखी वाढली. माझ्या मुलीला सांभाळण्यासाठी मी अनेक चांगल्या ऑफर्स नाकारल्या”.
आणखी वाचा – प्राजक्ता गायकवाडचा साखरपुडा संपन्न, नवऱ्याचा फोटोही समोर, नावाच्या बाबतीत जुळून आला योगायोग
पुढे त्या म्हणाल्या, “मला वाटतं सध्याच्या काळात मूल जन्माला घालूच नये. या काळात बाळाला एकट्याने सांभाळणं खूप कठीण गोष्ट आहे. अनेकदा आई-बाबा दोघांचा पगार कमी पडतो. आपण मुलं का जन्माला घालतो, याचा विचार लोकांनी खोलवर करायला हवा. फक्त समाज काय म्हणेल किंवा आईबाप व्हायचंच आहे या हेतूने मूल जन्माला घालणं चुकीचं आहे. त्यांच्या मते, सध्याच्या जगात मुलांना वाढवणे अधिक कठीण झाले आहे. महागाई, बदलती जीवनशैली, कुटुंबातील तणाव आणि एकटेपणा यामुळे आजच्या पालकांनी जबाबदारी घेऊनच मूल जन्माला घालावे”.
‘हम दिल दे चुके सनम’, ‘दिल्ली ६’, ‘गली बॉय’, ‘मर्डर’ या चित्रपटातून शिबा चड्ढा प्रेक्षकांच्या भेटीस आली. शेवटची ती ‘बकैती’ या चित्रपटात दिसली. यानंतर आता अभिनेत्री आगामी रामायण या चित्रपटातही महत्त्वपूर्ण भूमिकेत दिसणार आहे. या चित्रपटात ती मंथराच्या भूमिकेत दिसणार आहे.
