maharashtrachi hasiyajatra fame actor video : कोकण म्हणजे स्वर्ग. आणि पावसात कोकणात जाण्याचे सुख काही औरच. अशातच मुसळधार पावसाने कोकणाला स्वर्ग बनवून टाकलं आहे. अनेकजण या स्वर्गाचा आनंद घेण्यासाठी कोकण दर्शन घेताना दिसत आहेत. यांत कलाकार मंडळीही मागे राहिलेले नाहीत. अनेक कलाकार कोकणात जात तिथे एन्जॉय करताना दिसत आहेत. इतकंच नव्हे तर कोकणात सध्या शेतीला सुरुवात झाली असून ते या शेतीचा अनुभवही घेताना दिसत आहेत. अनेक कलाकारांनी कोकणात जात शेती करतानाचा अनुभव सोशल मीडियाद्वारे पोस्ट केला आहे. अशातच आता एका मराठमोळ्या अभिनेत्याने कोकणात जात शेतीचा अनुभव चाहत्यांसह शेअर केला आहे.
महाराष्ट्राची हास्यजत्रा फेम अभिनेता निखिल बने हा कोकणातीलच आहे. चिपळूण हे निखिलचे गांव. निखिल बऱ्याचदा कोकणातील अनेक व्हिडीओ, फोटो इंस्टाग्रामद्वारे शेअर करताना दिसतो. निखिल आणि त्याच कोकण प्रेम जगजाहीर आहे. निखिलच त्याच्या गावावर विशेष प्रेम आहे आणि नेहमीच तो गावाकडील आठवणी ताज्या करताना दिसतो. अशातच आता निखिल पुन्हा एकदा कोकणात पोहोचला आहे. मात्र, यावेळी तो स्वतःच्या गावी नाही तर कोकणी रानमाणूस म्हणून लोकप्रिय असलेल्या प्रसाद गावडेच्या भेटीस गेला आहे.
आणखी वाचा – प्राजक्ता गायकवाडचा साखरपुडा संपन्न, नवऱ्याचा फोटोही समोर, नावाच्या बाबतीत जुळून आला योगायोग
गावाकडे जातानाचा सुंदर असा व्हिडीओ निखिलने बनवला आहे. या व्हिडीओमध्ये तो हा प्रवास सांगत असं म्हणतो, “ठाण्यात जनशताब्दी एक्स्प्रेस पकडली आणि निसर्गाचा आनंद घेत, आम्ही येऊन पोहोचलो सावंतवाडीला. सावंतवाडीला स्टेशनच्या बाहेर आल्यानंतर आम्ही जेवलो आणि त्यानंतर कोकणी रानमाणूस म्हणजेच प्रसाद गावडेच्या जीवनशाळाला भेट द्यायला. यानिमित्ताने माझी खूप दिवसांची इच्छा पूर्ण झाली. प्रसादला भेटून खूप आनंद झाला. मग आम्ही भातलावणी करायला गेलो. भातलावणीची ही माझी पहिलीच वेळ होती. पण खूप काही शिकायला मिळालं. पावसात, चिखलात काम करून प्रसन्न वाटलं आणि काम केल्याचं तसंच नवीन काही तरी शिकल्याचं समाधान मिळालं. रात्री येऊन पुन्हा गप्पा रंगल्या. प्रसादशी बोलणं म्हणजे वैचारिक मेजवानी आहे.”
समोर आलेल्या व्हिडीओमध्ये, निखिल चिखलात जात स्वतः भातलावणी करताना दिसत आहे. त्याच्या या व्हिडीओमधून कोकणातील पावसाळ्यातील निसर्गरम्य वातावरण पाहायला मिळत आहे. अभिनेत्याचा हा व्हिडीओ पाहून त्याच्या साधेपणाचं कौतुक होतं आहे. तर काहींनी कमेंट करत त्याचे तोंडभरुन कौतुक केलं आहे.
