‘काहे दिया परदेस’ या मालिकेतून घराघरांत पोहोचलेली अभिनेत्री म्हणजे सायली संजीव. शिवची गौरी म्हणून सायलीला या मालिकेमुळेच खऱ्या अर्थाने लोकप्रियता मिळाली. या मालिकेपासून सायलीने तिचा अभिनय प्रवास खऱ्या अर्थाने सुरु केला. एखादया विषयाचं ज्ञान घेण्यासाठी झटणारी सायली नेहमीच साऱ्यांच्या पसंतीस पडते. छोटा पडदा गाजवल्यानंतर सायलीने तिची पावलं सिनेइंडस्ट्रीकडे वळविली. ‘मन फकिरा’, ‘झिम्मा’ या चित्रपटांमध्ये सायलीने महत्वपूर्ण भूमिका साकारली. आता सायली एका विशेष कारणामुळे चर्चेत आली आहे. सायलीने सिनेमाविश्वातून ब्रेक घेत आता अभ्यासाचा ध्यास घेतला आहे. (Sayali Sanjeev New Journey)
सायलीने सोशल मीडिया अकाऊंटवरून काही फोटो पोस्ट केले आहेत. यांत ती अभ्यास करताना पाहायला मिळत आहे. ‘शिकायचं थांबवू नका’, असं म्हणत सायलीने अभ्यासाचे धडे घेतानाचे काही फोटो शेअर केले आहेत. या फोटोंमध्ये सायलीचा अभ्यासाविषयीचा ध्यास पाहायला मिळतोय. सायली राज्यशात्राचा अभ्यास करत आहे. ती पॉलिटिकल सायन्समध्ये मास्टर्स करत आहेत. सिनेसृष्टीतून ब्रेक घेत तिने शिक्षण पूर्ण करण्याचं ठरवलं आहे.
पाहा सायली अभिनया व्यतिरिक्त कशाचा अभ्यास करतेय
याबाबत एकदा तिने इट्स मज्जाला दिलेल्या मुलाखतीतही भाष्य केलं होत. सायलीला यंदाच्या वर्षात तुझी कोणती बातमी रंगणार असा प्रश्न विचारला होता, यावर उत्तर देत सायली असं म्हणाली होती की, ‘मी राज्यशास्त्राचा अभ्यास करतेय, मी मास्टर करतेय एम ए इन पॉलिटिकल सायन्स मध्ये तर याची चर्चा यंदाच्या वर्षात रंगू शकते. सायली अभिनयासोबतच शिक्षणही घेतेय ही वाखाणण्याजोगी बाब आहे.
सायलीचा या पोस्टखाली अनेकांनी कमेंट करत तिला तिच्या पुढील वाटचालीसाठी शुभेच्छा दिल्या आहेत. सायलीने आजवर अनेक चित्रपटांमधून उत्तमोत्तम भूमिका साकारल्या आहेत. दरम्यान गोष्ट एका पैठणीची या चित्रपटातील तिची भूमिका अधिक लक्षवेधी होती. सायलीने ‘गोष्ट एका पैठणीची’ चित्रपटात महत्वपूर्ण भूमिका साकारली होती. या चित्रपटात सायलीने इंद्रायणी हे पात्र साकारले होते. आशयघन कथा असलेल्या या चित्रपटातील भूमिकेसाठी सायलीला ‘सर्वोत्कृष्ट अभिनेत्री’चा अवार्ड देखील मिळाला.