‘सातव्या मुलीची सातवी मुलगी’ या मालिकेतून घराघरांत पोहोचलेली अभिनेत्री म्हणजे तितीक्षा तावडे. तितीक्षाने आजवर अनेक मालिकांमधून महत्त्वपूर्ण भूमिका साकारत प्रेक्षकांची मन जिंकली आहेत. मात्र ‘सातव्या मुलीची सातवी मुलगी’ या मालिकेतील नेत्रा या भूमिकेमुळे तिला खऱ्या अर्थाने लोकप्रियता मिळाली. तितीक्षा तिच्या व्यावसायिक आयुष्याबरोबरच वैयक्तिक आयुष्यामुळेही चर्चेत असते. काही दिवसांपूर्वीच तितीक्षा तिच्या लग्नामुळे चर्चेत राहिली. अभिनेत्रीने सिद्धार्थ बोडकेसह लग्नगाठ बांधली. (Titeeksha Tawde Birthday)
नुकताच तितीक्षाचा लग्नानंतरचा पहिला वाढदिवस अगदी दणक्यात साजरा करण्यात आला. वाढदिवसाचे खास फोटोही तिने सोशल मीडियावरुन शेअर केले आहेत. आता यानंतर तितीक्षाने तिच्या वाढदिवसाच्या खास सेलिब्रेशनचे काही फोटोदेखील शेअर केले आहेत. घरच्या घरीच तितीक्षाचा वाढदिवस साजरा करण्यात आला. “आनंदाने आणि परिपूर्णपणे चौतीस वर्ष पूर्ण. माझ्यावर खूप प्रेम आणि चांगल्या भावनांचा वर्षाव केल्याबद्दल धन्यवाद. तुम्ही सर्व फक्त सर्वोत्तम आहात”, असं खास कॅप्शन देत तिने हा व्हिडीओ व फोटो शेअर केला आहे.
तितीक्षाने शेअर केलेल्या फोटोंमध्ये तिचं कुटुंबही या सेलिब्रेशनमध्ये सहभागी झालेलं पाहायला मिळत आहे. तितीक्षाचे आई-बाबाही त्यांच्या घरी आले होते. तसेच तितीक्षाची बहीण खुशबू तावडे आणि भावोजी संग्राम समेळ हेदेखील या सेलिब्रेशनला उपस्थित होते. याशिवाय तितीक्षाच्या सिनेसृष्टीतील मैत्रिणी अनघा अतुल व ऋतुजा बागवेही यावेळी आल्या होत्या. केक कट करत अगदी धुमधडाक्यात व जल्लोषात तिचा वाढदिवस साजरा करण्यात आला.
या शेअर केलेल्या फोटोंवरुन सिद्धार्थने तितीक्षाचा वाढदिवस तिला सरप्राईज देत साजरा केला असल्याचं दिसत आहे. बलून्सचं डेकोरेशन करत रोमँटिक पोज देतानाचा फोटोही त्यांनी शेअर केले आहे. तितीक्षा व सिद्धार्थ ही सिनेसृष्टीतील क्युट जोडीपैकी एक जोडी आहे. बायकोसाठीही सिद्धार्थने खास पोस्ट शेअर करत तिला शुभेच्छा दिलेल्या पाहायला मिळाल्या. बायकोच कौतुकही त्याने या पोस्टद्वारे केलं होतं.