अभिनेत्री ऐश्वर्या नारकर यांनी नेहमीच त्यांच्या अभिनयाने चाहत्यांची मनं जिंकली आहेत. इतकंच नव्हे तर त्यांच्या सौंदर्याचेही लाखो दिवाने चाहते आहेत. ऐश्वर्या यांनी त्यांच्या सौंदर्याने कायमच साऱ्या प्रेक्षकांना भुरळ घातली आहे. अभिनयासह त्या सोशल मीडियावरही बर्यापैकी सक्रिय असतात. नेहमीच त्या सोशल मीडियावरुन काही ना काही शेअर करत चाहत्यांच्या संपर्कात राहत असतात. ऐश्वर्या नारकर पती अविनाश नारकर यांच्यासह नेहमीच हटके डान्स व्हिडीओ, रील शेअर करत असतात. (Aishwarya Narkar Lunch Video)
ऐश्वर्या नारकर व अविनाश नारकर हे सिनेसृष्टीतील लोकप्रिय कपलपैकी एक आहे. सोशल मीडियावर ही जोडी नेहमीच चर्चेत असते. नारकर जोडीला त्यांच्या व्हिडीओवरुन अनेकदा ट्रोलिंगचाही सामना करावा लागला आहे. त्यांनी शेअर केलेल्या एखाद्या व्हिडीओला काही चाहते प्रतिसाद देतात, तर काही ट्रोलही करतात. ऐश्वर्या व अविनाश त्यांच्या शूटिंगच्या व्यस्त श्येड्युलमधून वेळात वेळ काढून नेहमीच रील शेअर करताना दिसतात. ऐश्वर्या नारकर फिटनेसबाबतचे अनेक व्हिडीओही पोस्ट करत असतात.
सध्या ऐश्वर्या नारकर ‘सातव्या मुलीची सातवी मुलगी’ या मालिकेत महत्त्वपूर्ण भूमिका साकारताना दिसत आहेत. अशातच अभिनेत्रीने मालिकेच्या सेटवरुन त्यांच्या लंच ब्रेकमधील एक व्हिडीओ पोस्ट केला आहे. या व्हिडीओमध्ये ऐश्वर्याने जेवणातील खास पदार्थ दाखवले आहेत. बरं हा व्हिडीओ ऐश्वर्या यांनी थेट शूटिंग लोकेशनवरुन शूट केला आहे. यावेळी ते जंगलात बसून जेवणाचा आनंद घेताना दिसत आहेत. ऐश्वर्या यांनी शेअर केलेल्या व्हिडीओमध्ये त्यांनी स्वतःच्या हातून घरुन बनवून आणलेलं जेवण दिसत आहे.
ऐश्वर्या यांनी शेअर केलेल्या या व्हिडीओत नाचणीची भाकरी, वांग्याचे भरीत, मटकीची उसळ, कोशिंबीर असं सात्विक जेवण पाहायला मिळत आहे. “तंदुरुस्त राहा निरोगी राहा” असं कॅप्शन देत त्यांनी हा व्हिडीओ शेअर केला आहे. शुटींग लोकेशनला थेट शेतात बसून जेवणाचा आस्वाद घेतानाच हा व्हिडीओ त्यांनी शूट केला आहे. ऐश्वर्या यांच्या या व्हिडीओवर अनेकांनी कमेंट करत पंसती दर्शविली आहे.