‘रामायण’ या लोकप्रिय मालिकेतून घराघरांत पोहोचलेली टेलिव्हिजनवरील प्रसिद्ध जोडी म्हणजेच अभिनेत्री देबिना बॅनर्जी आणि अभिनेता गुरमीत चौधरी. देबिना व गुरमीत हे दोघे सोशल मीडियावर कायम सक्रिय असणाऱ्या काही कलाकारांपैकी आहेत. सोशल मीडियावर ते त्यांचे काही फोटो व व्हिडीओ शेअर करत असतात आणि त्यांची केमिस्ट्री त्यांच्या चाहत्यांना आवडतेदेखील. पण त्यांनी नुकत्याच शेअर केलेल्या एका व्हिडीओमुळे त्यांना सोशल मीडियावर ट्रोलिंगला सामोरे जावे लागत आहे.
देबिनाने नुकताच सोशल मीडियावर तिच्या मुलीबरोबरचा एक व्हिडीओ शेअर केला आहे. याच व्हिडीओवरून देबिना व गुरमीतला जोरदार ट्रोल केलं जात आहे. या व्हिडीओमध्ये देबिना व गुरमीत अवघ्या दीड वर्षांच्या मुलीला एका झटक्यात गोल फिरवतात आणि यामुळे या दोघांवर टीका केली जात आहे.
या व्हिडीओमध्ये देबिना व गुरमीत हे बेडवर बाळाबरोबर खेळत असतात. दोघं एकमेकांचा हात पकडून मध्ये त्यांच्या मुलीला उभं करतात. तिला मध्ये उभं केल्यानंतर देबिना व गुरमीत त्यांच्या हाताने तिला पूर्ण गोल फिरवतात. असं केल्यानंतर ते बाळ हसू लागते आणि तिच्याबरोबरच देबिना-गुरमीतसुद्धा हसू लागतात. मात्र ही मस्करी नेटकऱ्यांना काही आवडलेली नाही. त्यामुळे सोशल मीडियावर नेटकऱ्यांनी दोघांनाही यावरून चांगलंच सुनावलं आहे.
आणखी वाचा – अभिषेक घोसाळकरांच्या हत्येनंतर खळबळ, सुप्रसिद्ध मराठी अभिनेत्रीचा संताप, म्हणाली, “अजून किती…”
यावर अनेकांनी बाळाबद्दल काळजी व्यक्त करत असं म्हटलं आहे की, “लहान मुलांचं शरीर जरी लवचित असलं तरी अशाने बाळाच्या मानेला झटका बसू शकतो, कृपया असं करू नका, यामुळे बाळाच्या मानेला वेदना होतील, ते तुमचं बाळ आहे, खेळणं नाही, हे खूपच भयानक आहे, कृपया असं करू नका” अशा अनेक कमेंट्स करत नेटकऱ्यांनी त्या दोघांना चांगलेच सुनावले आहे. त्याचबरोबर सल्लादेखील दिला आहे.