‘सातव्या मुलीची सातवी मुलगी’ मालिका गेल्या काही दिवसांपासून रंजक वळणावर आली आहे. मालिकेत रुपालीला विरोचकाने संमोहित करण्याची शक्ती मिळाली असल्याचे कथानक सुरु आहे. त्यामुळे रुपालीने तिच्या संमोहित करण्याच्या शक्तीने राजाध्यक्ष कुटुंबातील सर्वांनाच संमोहित केले असल्याचे पाहायला मिळत आहे. मालिकेतील हा नवीन ट्विस्ट प्रेक्षकांना चांगलाच आवडत असून या ट्विस्टमध्ये आणखी पुढे काय होणार? याचीही प्रेक्षक आतुरतेने वाट पाहत आहेत.
मालिकेत रुपालीने फाल्गुनी व केतकी काकू यांना संमोहित केल्यानंतर तिने शेखर, तन्मय व तेजस यांनाही संमोहित केल्याचे पाहायला मिळत आहे. फाल्गुनी व केतकी काकू या गायब झाल्यानंतर घरात पोलिस येतात. तेव्हा रुपाली त्यांनासुद्धा संमोहित करण्याचा प्रयत्न करते. अशातच कालच्या एका प्रोमोमध्ये रुपालीने शेखरला संमोहित करुन त्याला तिच्याविरुद्ध व कुटुंबियांच्या बाजूने राहण्यास सांगितले आहे. त्यामुळे शेखरही तिच्या म्हणण्याप्रमाणे कुटुंबियांच्या बाजूने वागत आहे. रुपालीने तन्मयलाही तिच्या शक्तीने संमोहित केले आहे.
अशातच कालच्या भागात रुपाली तिच्या संमोहित करण्याच्या शक्तीने तन्मय, तेजस, केतकी काकू, फाल्गुनी, शेखर या सर्वांना वश करुन नाचायला सांगते आणि घरतील ही सगळी मंडळी ‘झिंगाट’ या गाण्यावर नाचतानाचे पाहायला मिळाले. त्यामुळे आता राजाध्यक्ष कुटुंबातील नेत्रा, अद्वैत कव इंद्राणी हे सोडून सर्वच जण रुपालीच्या संमोहित होण्याच्या शक्तीने तिच्या बाजूने वश झाले आहेत.
आणखी वाचा – अप्पी-अर्जुन एकत्र येण्यासाठी अमोलचं छत्रपती शिवाजी महाराजांना गाऱ्हाणं, हातही जोडले, एकत्र येणार का?
त्यामुळे आता नेत्रा व इंद्राणी घरातील सर्व सदस्यांना रुपालीच्या या संमोहित करण्याच्या शक्तीपासून कसं मुक्त करणार? रुपालीच्या या शक्तीला नेत्रा व इंद्राणी कशा मात देणार/ आणि रुपाली तिच्या शक्तीने घरातील सदस्यांचा देवी आईच्या लेकींविरुद्ध कसा वापर करणार? हे आगामी भागांत प्रेक्षकांना पाहणे उत्सुकतेचे ठरणार आहे. त्यामुळे सातव्या मुलीची सातवी मुलगी मालिकेच्या आगामी भागांसाठी प्रेक्षक कमालीचे उत्सुक आहेत.
