झी मराठी वाहिनीवरील ‘सातव्या मुलीची सातवी मुलगी’ या मालिकेत एकामागून एक नवनवीन ट्विस्ट हे येतच असतात. मालिकेतील हे नवनवीन ट्विटस पाहण्याची प्रेक्षकांना कायमच उत्सुकता असते. अनेक उत्कंठावर्षक व रहस्यमय कथानकाने छोट्या पडद्यावरील या लोकप्रिय मालिकेने सर्वांची मनं जिंकली आहेत. मालिकेत येणारे नवनवीन ट्विटस हीच या मालिकेची जमेची बाजू आहे.
अशातच मालिकेत रुपालीने केतकी काकू व फाल्गुनी यांना संमोहित केले असल्याचे पाहायला मिळत आहेत. संमोहित झाल्याने त्या दोघी वाटेल ते करत आहेत. संमोहित झाल्यामुळे फाल्गुनी व केतकी काकू स्वयंपाक घरातील सर्व भांडी बाहेर फेकून देतात. हातात येईल ते सामान त्या दोघी बाहेर फेकत आहेत. त्यामुळे त्यांना आवरण्यासाठी नेत्रा व इंद्राणीसह घरातील इतर मंडळी त्या दोघींना बांधून ठेवतात.
यानंतर रुपाली पोलिसांना बोलावून राजाध्यक्ष कुटुंबियांविरुद्ध तक्रार करते. यानंतर पोलिस येऊन घराची तपासणी करतात. पोलिस प्रत्येकाच्या रूमची चौकशी करतात मात्र त्या दोघी कुणाच्याच रुममध्ये सापडत नाहीत. त्या दोघी अखेर रुपालीच्या रुममध्येच सापडतात. त्यामुळे पोलिस रुपालीला अटक करणार असल्याचे म्हणतात. पण आता ते रुपालीला अटक करणार का? की पुढे आणखी काय होणार? हे पाहणे उत्सुकतेचे ठरणार आहे.
आणखी वाचा – नऊवारी साडी, आकर्षक दागिने अन्…; स्वत:च्या लग्नामध्य अशी नटली होती पारू, वर्षभरानंतर शेअर केले खास फोटो
त्यामुळे आता मालिकेत पुढे काय होणार? पोलिस रुपालीला अटक करणार का? की रुपाली तिच्याकडे असलेल्या शक्तीचा वापर करुन पोलिसांनाही संमोहित करणार? हे पाहणे उत्सुकतेचे ठरणार आहे? तसेच मालिकेतील या घटनेमुळे कथानकाला एक वेगळेच वळण आले आहे. त्यामुळे आगामी भागासाठी प्रेक्षक खूपच उत्सुक आहेत.
