आई होणार असल्याची खुशखबर घरी येताच सर्वत्र आनंदाचं वातावरण पाहायला मिळतं. कुटुंबाकडून होणाऱ्या आईचे गोडकौतुक अन् सर्व लाड पुरवले जातात. अशातच नवरा व बाळाचा बाप हादेखील आपल्या पत्नीची अगदी जपणूक करत असतो. आपण बाबा होणार असल्याची भावना प्रत्येक पुरुषाला शांत, संयमी व काळजीवाहू बनवते. असंच काहीसं अभिनेता रणवीर सिंहबाबत झाल्याचे पाहायला मिळत आहे. दीपिका पदूकोणने आई होणार असल्याची बातमी शेअर करताच रणवीर सिंह आपल्या पत्नीची चांगलीच काळजी घेताना पाहायला मिळत आहे.
काल (२९फेब्रुवारी) रोजी दीपिका व रणवीर मुंबई विमानतळावर स्पॉट झाले होते. यावेळी नेहमीप्रमाणे हे जोडपे एकमेकांचा हात धरत चालताना दिसले. या खास प्रसंगी रणवीर पत्नी दीपिकाची पूर्ण काळजी घेताना दिसला. चाहत्यांच्या गर्दीतून जाताना रणवीर आपल्या पत्नीला अगदी सांभाळून घेऊन जाताना दिसला. तिला कुणाचाही धक्का लागू नये याचीही तो संपूर्ण काळजी घेत असल्याचे पाहायला मिळाले.
सोशल मीडियावर या दोघांचा एक व्हिडीओ व्हायरल होत आहे. या व्हिडिओमध्ये दिसत आहे की, जेव्हा दीपिका आणि रणवीर त्यांच्या कारमधून बाहेर आले तेव्हा पापाराझींनी त्यांचे अभिनंदन करण्यास सुरुवात केली. दीपिकाला फुलांचा सुंदर पुष्पगुच्छ देण्यात आला आणि तिच्याबरोबर केक कापत आनंद साजरा करण्यात आला. यावेळी रणवीर व दीपिकाच्या चेहऱ्यावर आई-वडील होणार असल्याचा आनंद अगदी स्पष्ट दिसत होता.
काल (२९ फेब्रुवारी) रोजी दीपिका व रणवीर यांनी त्यांच्या सोशल मीडियाद्वारे दोघे आई-बाबा होणार असल्याची गुडन्यूज शेअर केली होती. त्यांनी ही खुशखबर सांगताच मराठीसह अनेक बॉलिवूड कलाकारांनी व त्यांच्या अनेक चाहत्यांनी या दोघांचे अभिनंदन केले. दरम्यान, येत्या सप्टेंबर महिन्यातद दीपिका आपल्या बाळाला जन्म देणार आहे.