‘स्टार प्रवाह’ वाहिनीवरील सर्वच मालिका प्रेक्षकांच्या मनात घर करुन आहेत. यापैकी ‘प्रेमाची गोष्ट’ या मालिकेला प्रेक्षक भरभरुन प्रतिसाद देताना पाहायला दिसतात. ‘प्रेमाची गोष्ट’ या मालिकेची टीआरपीच्या शर्यतीतही चुरशीची लढत पाहायला मिळत आहे. मालिकेतील मुक्ता व सागरच्या जोडीचे बरेच चाहते आहेत. सध्या मालिकेत मुक्ता व सागर यांच्यात अबोला पाहायला मिळत असला तरी सई त्यांचा अबोला दूर करण्याचा प्रयत्न करत असते. तर एकीकडे कार्तिक या राक्षसी वृत्तीच्या पात्रानं मालिकेला रंजक वळणावर नेऊन ठेवलं आहे. (Premachi Goshta Serial Update)
कार्तिकचा खरा चेहरा आता लवकरच सर्वांसमोर येणार आहे. कार्तिक खऱ्या आयुष्यात नेमका कसा आहे हे फक्त मुक्ताला माहीत असतं. त्यामुळे मुक्ता कार्तिकचं सत्य सर्वांसमोर आणण्याचा प्रयत्न करत असते. मात्र तिच्याकडे ठोस असे पुरावे नसतात. अशातच मालिकेच्या आगामी भागात मुक्ता कार्तिकचा खरा चेहरा सगळ्यांसमोर आणणार आहे. मात्र कार्तिकबाबत मुक्ताने केलेल्या पर्दाफाशावर इंद्रा, स्वाती विश्वास ठेवत नाही. यावर उलट ते मुक्तालाच दोष देतात.
मुक्ता घरात एकटी असताना सागरचा विचार करत असते तेव्हा तिथे कार्तिक येतो. रूममध्ये मुक्ताशिवाय कोणी नाही याचा फायदा घेत कार्तिक मुक्ताच्या जवळ जाण्याचा प्रयत्न करतो. तुझ्यात आणि सागरमध्ये नवरा बायकोसारखं काही नाही. तुम्ही एकमेकांशी बोलत नाही हे मला माहित आहे. तुम्ही माझ्याकडे मनमोकळा करा. तुमचा एकटेपणा मी घालवतो असं म्हणून तो तिच्या अंगाला स्पर्श करतो. तेव्हा मुक्ता त्याला जोरात धक्का देते आणि जवळ येऊ नको असं ठणकावून सांगते. त्यानंतर ती कार्तिकच सत्य सर्वांसमोर आणण्याचा ठरवते आणि त्याला धमकी देऊन बाहेर निघून जाते.
बाहेर जाऊन इंद्रा व स्वातीला मुक्त कार्तिकबाबत सर्व सांगते. पण इंद्रा यावेळी जावयाची बाजू घेते. दोघेही कार्तिकबाबत ऐकताच मुक्ताला दोष देतात. इंद्राचा राग अनावर होत ती मुक्ताच्या सणसणीत कानाखालीही मारते. मुक्ता खूप ओरडून सांगत असते की, हा माणूस मला चुकीचा स्पर्श करतो पण दोघींचाही तिच्यावर विश्वास नसतो. त्यानंतर स्वाती कार्तिकला समजावण्याचा प्रयत्न करते तेव्हा कार्तिक बायकोसमोर खोटं नाटक करत रडू लागतो. आता मला या घरात एका क्षणासाठी थांबायचं नाही असंही तो म्हणतो. आता कार्तिकचं सत्य सागरसमोर येणार का?, सागर मुक्ताच्या बोलण्यावर विश्वास ठेवणार का?, हे सर्व पाहणं मालिकेत रंजक ठरेल.