‘टाइमपास’ या लोकप्रिय चित्रपटातून दगडू म्हणून नावारुपाला आलेला अभिनेता म्हणजे प्रथमेश परब. टाइमपास चित्रपटात दगडू प्राजक्ताचे प्रेम मिळवण्यासाठी प्रयत्न करतानाचे सर्वांनीच पाहिले आहे. पण खऱ्या आयुष्यातदेखील त्याला त्याची प्राजक्ता मिळाली असून दगडू फेम अभिनेता प्रथमेश परब लवकरच विवाहबंधनात अडकणार आहे. सोशल मीडियाव त्याने त्याची होणारी बायको क्षितिजा घोसाळकरश खास फोटो शेअर करत त्यांच्या नात्याविषयीची माहिती दिली.
प्रथमेशने गेल्या वर्षी ‘व्हॅलेंटाईन डे’चे औचित्य साधत त्याच्या प्रेमाची जाहीर कबुली दिली. अभिनेत्याने थेट त्याच्या केळवणाचे फोटो शेअर करत चाहत्यांना आनंदाचा धक्का दिला. तो गेल्या काही वर्षांपासून क्षितीजा घोसाळकरसह रिलेशनशिपमध्ये होता. आता ही जोडी लवकरच लग्न करणार असून अलीकडेच ‘इट्स मज्जा’वर त्यांचे केळवण पार पडले. यावेळी त्यांनी केळवणानिमित्त खास उखाणाही घेतला.
आणखी वाचा – Video : ‘रामायण’मधील राम, लक्ष्मण, सीता अयोध्येमध्ये पोहोचताच घडला चमत्कार, लोक त्यांनाच देव मानू लागले अन्…
यावेळी प्रथमेशने क्षितिजाच्या नावाचा उखाणा घेत असे म्हटले की, “दगडूची होती काजू कतली पराजू पतली, आई बाबा आणि साई बाबांची शपथ घेऊन सांगतो, क्षितिजा खूप मेहनतीने पटली.” तर क्षितिजानेही प्रथमेशसाठी उखाणा घेत असे म्हटले की, “लॉकडाउन आणि इन्स्टाग्राममुळे सुर जुळले आयुष्यभराचे, प्रथमेशला बघून पुन्हा पुन्हा म्हणावेसे वाटते मला वेड लागले प्रेमाचे.” यानंतर दोघांनी एकमेकांना रोमॅंटिक अंदाजात घास भरवला.
दरम्यान, प्रथमेश व क्षितिजा हे दोघे येत्या १४ फेब्रुवारी २०२४ रोजी लग्नबंधनात अडकणार असल्याचा अंदाज वर्तवला जात आहे. दोघांच्या लग्नाच्या चर्चांना सोशल मीडियावर उधाण आले आहे. लवकरच प्रथमेश-क्षितिजाचं लग्न होणार आहे. यासाठी प्रथमेशचे अनेक चाहते कमालीचे उत्सुक आहेत.
