मराठी मालिकांमध्ये झळकलेली अभिनेत्री राधा सागर हिने आपल्या अभिनयातून प्रेक्षकांची मनं जिंकली आहे. ‘सुंदरा मनामध्ये भरली’, ‘आई कुठे काय करते’ या मालिकेत तिने साकारलेली प्रत्येक भूमिका प्रेक्षकांच्या कौतुकास पात्र ठरलेली आहे. राधाने सध्या मालिकाविश्वातून ब्रेक घेतला आहे. त्याचं कारणही तितकंच विशेष आहे. राधाने काही दिवसांपूर्वीच एका गोंडस बाळाला जन्म दिला असून तिच्या बाळाची पहिली झलक नुकतंच तिच्या चाहत्यांना दाखवली आहे. (Radha Sagar reveals her Baby face)
काही महिन्यांपूर्वी राधाने तिच्या वाढदिवशी आई होणार असल्याची गुडन्यूज चाहत्यांना दिली होती. त्यानंतर गरोदरपणात केलेलं फोटोशूट आणि डोहाळे जेवणाचा कार्यक्रम चर्चेचा विषय ठरलं होता. काही दिवसांपूर्वी तिने एका चिमुकल्याला जन्म दिला असून नुकतंच त्याला एक महिना पूर्ण झालं. त्यानिमित्ताने तिने सोशल मीडियावर एक व्हिडिओ शेअर करत तिच्या बाळाची छोटीशी झलक दाखवली आहे.
हे देखील वाचा – खास दागिने, मराठमोळा साज अन्…; अक्षरा व अधिपतीचा लग्नसोहळा ठरणार खास, फोटोंनी वेधलं लक्ष
राधाने तिच्या इंस्टाग्राम अकाउंटवर एक व्हिडिओ शेअर केला आहे. या व्हिडिओत राधा तिच्या बाळाला खेळवत असल्याचे दिसत आहे. त्याचबरोबर फुलांपासून बनवलेल्या गणपती बाप्पाबरोबर तिचं बाळ दिसत आहे. यावेळी बाळाने सुंदर पेहराव केला होता. मात्र, या व्हिडिओमध्ये तिने बाळाचा चेहरा दाखवलेला नाही. “माझा बाप्पा किती गोड दिसतो..” असं कॅप्शन देत तिने हा व्हिडिओ शेअर केला.
हे देखील वाचा – ‘तू चाल पुढं’मधील शिल्पीने मुबंईमध्ये खरेदी केलं स्वप्नातलं घर, अभिनेत्री फोटो शेअर करत म्हणाली, “स्वप्न खरी होतात…”
तिचा हा व्हिडिओ चाहत्यांना प्रचंड भावला. नेटकऱ्यांसह अनेक कलाकारांनी कमेंटच्या माध्यमातून तिच्यावर शुभेच्छांचा वर्षाव केला आहे. दरम्यान, १० वर्षांपूर्वी राधाने सागर कुलकर्णीबरोबर लग्न केलं होता. त्यानंतर तिने आई होण्याचा निर्णय घेत काही काळासाठी या क्षेत्रातून ब्रेक घेतला होता. आई बनल्यानंतर राधा सध्या तिच्या बाळाबरोबर आनंदाचे क्षण घालवताना दिसत आहे.