मराठीमधील लोकप्रिय अभिनेत्री पूजा सावंत फेब्रुवारी महिन्यात लग्नबंधनात अडकली. ऑस्ट्रेलियामध्ये राहणाऱ्या सिद्धेश चव्हाणबरोबर तिने लग्न केले आणि त्यानंतर लगेचच टी नवऱ्याबरोबर ऑस्ट्रेलियाला रवाना झाली. तिकडे जाऊनदेखील तेथील घराचे, तिचे व सिद्धेशचे अनेक फोटो व व्हिडीओ सोशल मिडियावर पोस्ट करत असते. तसेच ती चाहत्यांच्या संपर्कातदेखील असते. लग्नानंतरचा पहिला गुढीपाडवाही तिथे ऑस्ट्रेलियातील घरात अगदी मराठमोळ्या पद्धतीने गुढी उभारून साजरा केला होता. त्याचे फोटोदेखील तिने इन्स्टाग्राम अकाऊंटवर पोस्ट केले होते. तिच्या सर्व फोटोना चाहत्यांची खूप पसंती मिळाली होती. अशातच तिने आता ‘महाराष्ट्र दिना’बद्दलदेखील एक सुंदर पोस्ट सोशल मीडियावर शेअर केली आहे.(pooja sawant on maharashtra day )
आज १ मे म्हणजे महाराष्ट्र दिन. सर्वच ठिकाणी मोठ्या उत्साहात साजरा केला जात आहे. अशातच पूजाने तिच्या ऑस्ट्रेलियातील घरात छत्रपती शिवाजी महाराज यांच्या मूर्तीबरोरचा फोटो शेअर केला आहे. हा फोटो शेअर करत तिने सुंदर असे कॅप्शनदेखील दिले आहे. तिने कॅप्शनमध्ये लिहिले आहे की, “सर्वांना महाराष्ट्रदिनाच्या लाख लाख शुभेच्छा. माझी खूप इच्छा होती की मुंबईत असलेल्या घराप्रमाणेच माझ्या ॲास्ट्रेलियाच्या घरात देखील छत्रपती शिवाजी महाराजांची एक प्रतिमा असावी”.
पुढे तिने लिहिले की, “लग्नापूर्वी ही इच्छा मी माझ्या टिमला अगदी सहजपणे बोलून दाखवली होती. त्यातील मनोजने ( आमचे spot दादा ) ही प्रतिमा मला आमच्या लग्नात भेट म्हणून दिली. त्यानंतर अगदी काळजीपूर्वक मी महाराजांची ही प्रतिमा ऑस्ट्रेलियाला घेऊन आले.फायनली आता छत्रपती शिवाजी महाराज आमच्या ॲासट्रेलियाच्या घरात सुद्धा विराजमान झाले आहेत. खुप खुप धन्यवाद मनोज”.
पूजाच्या या पोस्टला अनेक चाहत्यांनी पसंती दर्शवली आहे. तसेच अनेक प्रतिक्रिया देत पूजाचे कौतुकदेखील केले आहे. एका चाहत्याने म्हंटले आहे की, “जगाच्या पटलावर कुठेही गेलो तरीही आपण आपली संस्कृती विसरायची नाही त्याचे हे एक उत्तम उदाहरण”, “तसेच एकाने लिहिले आहे की, “महाराष्ट्र संस्कृती खूप छान जपली आहे”.
दरम्यान पूजा लग्नानंतर लगेचच ऑस्ट्रेलियासाठी रवाना झाली होती. तिच्या कामाबद्दल सांगायचे झाले तर ‘मुसाफीर’ या चित्रपटामध्ये शेवटची दिसून आली होती.
