ग्लॅमरस, लोकप्रिय अभिनेत्रींच्या यादीत एका अभिनेत्रीच नाव आवर्जून घेतलं जाईल ते नाव म्हणजे पूजा सावंत. पूजाने आजवर तिच्या सौंदर्याने व तिच्या नृत्याने लाखो प्रेक्षकांच्या हृदयावर राज्य केलं. सध्या पूजा सावंत एका विशेष कारणामुळे चर्चेत आली आहे. पूजाने तिच्या नात्याची जाहीर कबुली दिल्यामुळे ती चर्चेत आली असल्याचं समोर आलं आहे. पूजाने सोशल मीडियाच्या माध्यमातून प्रेमात पडली असल्याची आनंदाची बातमी चाहत्यांसह शेअर केली. (Pooja Sawant Kokan)
पूजाने सोशल मीडियाद्वारे तिच्या होणाऱ्या नवऱ्याचे अनेक फोटोस सोशल मीडियावरून शेअर केले होते. पूजाच्या होणाऱ्या पतीचे नाव सिद्धेश चव्हाण असे आहे. प्रेमात पडल्याचं सांगत आयुष्यातला नवा प्रवास सुरू करत असल्याचं तिने या फोटोपोस्टद्वारे सांगितलं. तेव्हापासून सगळ्यांच्या नजरा पूजाकडे लागून राहिल्या आहेत. आता पूजा लग्नबंधनात केव्हा अडकणार याची चाहते वाट पाहत आहेत.
लग्न ठरल्याची गोड बातमी दिल्यानंतर पूजा तिच्या सासरच्या मंडळींसह परदेशवारी करण्यात व्यस्त होती. याची पोस्ट तिने तिच्या सोशल मीडिया अकाउंटवरुन दिली होती. त्यांनतर आता पूजा तिच्या कोकणातल्या घरी गेली आहे. सध्या पूजा कोकणवारी करण्यात व्यस्त आहे. कोकणातल्या घराबरोबरचे, तेथील निसर्गरम्य वातावरणाचे काही खास फोटो, व्हिडीओ पूजाने शेअर केले आहेत. याशिवाय पूजा लग्नाआधी तिच्या गावच्या मंदिरात दर्शनासाठी गेली असल्याचं समोर आलं आहे.
ग्रामदेवतेच दर्शन घेण्यासाठी, आशीर्वाद घेण्यासाठी पूजा कोकणात गेली आहे. नुकतेच पूजाने पारंपरिक अंदाजात दर्शन घेतलेले पाहायला मिळाले. याचे फोटो तिने चाहत्यांसह शेअरही केले आहेत. पूजाने साडी नेसून देवाच्या दर्शनाला हजेरी लावलेली पाहायला मिळतेय. तिचा हा पारंपरिक अंदाज साऱ्यांचं लक्ष वेधून घेत आहे.
